韓國網吧知多啲
韓國網吧知多啲！韓國人咁鍾意去網吧唔係冇原因！Hea足一日都冇問題！
Hello，大家好，我哋係由韓國人每日提供最新韓國旅行資訊嘅Creatrip。
相信大家喺韓劇或者綜藝入面都見過韓國嘅網吧(PC방)係點樣。喺網速咁發達嘅韓國，網吧亦都係隨街可見嘅舖頭之一。今日小編就想同大家介紹一下，韓國嘅網吧到底會係點嘅呢？
韓國網吧知多啲
大家嚟旅行嘅時候可能都會成日見到「PC방」呢一個招牌，但大家又知唔知呢個係咩嚟呢？其實PC방就即係韓國嘅網吧，喺韓國去網吧娛樂消遣係一件好平常嘅事。就算係情侶拍拖約會嘅時候，好多時都會揀去網吧一齊打機。
喺韓國點先搵到網吧？
韓國周圍都有好多網吧，特別係大學區就更加多，佢哋大部分都係建築物嘅地下或2樓。
韓國網吧價格
韓國嘅網吧價格有分會員同埋非會員，非會員係逐次計錢，價格相對貴啲啲。去到網吧登記成為會員，再喺電腦系統上面揀每一次會用嘅時間長度，用去增值就得。通常30-45分鐘係1000won(~HKD$7)或者每小時最少1200won(~HKD$8)。不過一次過增值越長時間，價格都會越平。
韓國網吧嘅網速度係點？
一般網吧嘅網速係300-570mbps，但係如果有啲網吧冇揀啱網絡供應商，喺人多嘅時候，可能連100mbps都冇。另一件要小心嘅係，因爲有啲網吧係冇安裝Chrome。對於有啲要喺韓國網吧Reg科或者搶演唱會飛嘅人就會比較冇咁方便，因為有啲系統只係支援Chrome呢一個瀏覽器。
網吧都有好嘢食？
大部分韓國人都會係網吧飯食飯，公仔麵、辣炒年糕、即食飯、炸雞啤酒、熱狗、咖啡等通通都有，價格由2,500won至7,500won不等，超抵食！只要坐喺個位度，用電腦落單，職員就會準備好食物再送到去你個位。完全唔使行嚟行去，就可以好方便咁落單同埋有嘢食。
網吧都係韓國人釋放壓力嘅好地方，大家嚟韓國旅行嘅時候又有冇去過韓國嘅網吧度體驗一下呢？之後機會嚟韓國旅行嘅時候，都不妨抽少少時間去體驗一下韓國嘅網吧文化啊！
Instagram：creatrip.hk