韓風手帳必備10樣items
文青必睇！應該點設計schedule好呢？學識呢10樣嘢包你輕鬆設計出韓風手帳！
Hello，大家好，我哋係由韓國人每日提供最新韓國旅行資訊嘅Creatrip。
相信唔少女仔都好鍾意設計schedule，好多時都好鍾意去文具舖埋好多顏色筆、貼紙、膠紙等等去設計！見到身邊嘅朋友整到本schedule咁靚，自己都想整埋一份？等小編話10個Tips俾大家聽，等大家都可以輕鬆打造屬於你嘅韓式手帳啦！
韓風手帳必備10樣items
1. 每一頁用一隻主顏色
大家喺設計你嘅schedule之前可以預備彩色嘅蠟筆，刻畫出嚟嘅線條會更加明確同隨性。大家可以揀返自己鍾意嘅顏色去設計，但要記得每一頁都用同一個顏色，咁樣嘅話風格就會統一啲。
2. 用螢光筆
其實螢光筆有好多個用法，除咗可以highlight重點之外，仲可以寫標題，畫框框，同埋用嚟分隔段落等等，所以除咗用蠟筆畫公仔之外，都可以用螢光筆寫字。
3. 利用彩紙
唔好覺得用彩紙好幼稚啊！去文具舖買一啲文青style嘅花花，樹木嘅彩紙再黏喺schedule上面唔單止可以做裝飾。仲可以令到成個design更加有層次感，呢啲貼紙大多數都可以喺ARTBOX、10X10呢啲文具店搵到！
4. 利用貼紙
對於鍾意畫schedule嘅人嚟講，貼紙就一定係必需品！成日用筆去畫圖案可能會有啲單調，用貼紙又唔洗用咁多時間，但都一樣可以做到好多mix &match嘅設計，真係唔錯㗎！
5. 利用MD膠紙
呢啲花紋膠帶又係畫schedule唔可以缺少嘅item！唔少人都會用佢哋嚟做邊框或者做小貼紙，令到成本schedule更加有文青感！
6. 用水彩筆
市面上有好多唔同種類嘅水彩筆都可以用嚟裝飾你嘅schedule，例如珠光筆、凝膠筆等等。用多啲呢啲水彩筆去畫schedule，睇起上嚟會更有藝術感。俾個Tips大家，大家千期唔好直接畫落去，你可以畫咗喺第二張紙然後剪出嚟貼落去就唔驚水筆會畫到透底。
7. 畫藝術字
畫藝術字真係好加分！大家都可以練習返一兩個style去畫headline。唔洗多只要每一頁寫一兩個字已經可以將成個風格變得更加特別。
8.利用印章
喺唔同嘅文具舖都可以搵到好多可愛嘅印仔，有啲地方仲可以自己自創屬於自己嘅圖案，間唔中喺schedule上面吸下印仔又可以有另一種唔同嘅感覺。
9. 畫畫
喺網上都有好多唔同嘅簡單畫作嘅圖案，好多都係比新手去跟嘅，所以都可以參考以下呢啲圖案畫出屬於你嘅風格。
10. 揀一本你鍾意嘅schedule
最後一個部分就係要揀一本最適合自己嘅schedule啦！而家嘅schedule有好多唔同嘅花樣，揀好心水畫起上嚟都開心啲，更加加分啦係咪先！
以上呢10個tips可以幫到大家去打造一本屬於你自己嘅韓式文青手帳，睇完有冇心思思想即刻買返本嚟Design呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk