Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國冷知識
＃韓國小常識＃文化知識
比起一啲冷門嘅旅遊知識，韓國文化入面仲有好多係外國人見到，可能會撓曬頭嘅小知識，但係知道咗真相之後都會笑一笑。
小編今日整理咗9個韓國冷知識，再同大家分享，一齊睇落去啦！
✨馬上Follow我哋IG
instagram.com/creatrip.hk
韓國新奇冷知識
1. 頭痛要綁白布喺頭上面？
唔知大家喺睇比較早期嘅韓劇嘅時候，有冇發現到戲入面嘅媽媽或者係婆婆只要俾人激親，一開始頭痛頭上面就會綁住一條白布呢？
呢個唔係要表示抗議或者要認真做啲乜，而係韓國醫頭痛嘅偏方嚟。
佢哋認為頭痛嘅時候，喺頭上面綁一條白布就可以舒緩到頭痛。
但其實唔止自己頭痛嘅時候會咁做，以前如果係老人家病咗，屋企人都會幫佢綁條白布喺頭，等佢可以舒緩頭痛。
韓國新奇冷知識
2. 婚禮之後即刻去度蜜月？
同香港人新人度蜜月嘅習慣唔同，韓國人通常會係直接搞完婚禮之後，當日或者第二日就會即刻出發去度蜜月。
小編嘅同事之前搞婚禮都喺，婚禮完咗之後，第二日就即刻去咗歐洲度蜜月兩個禮拜。
呢個係大多數韓國新婚夫妻嘅習慣，佢哋覺得婚禮連住度蜜月一次過做完，先算係成個婚禮嘅基本流程，蜜月旅行完成之後，成個婚禮先算真正完結。
韓國新奇冷知識
3. 南北韓定義嘅交界唔一樣？
南北韓對於領土嘅認知程度係唔同嘅，除咗兩個國家互相唔承認對方係「韓國」嘅合法政權，認為自己先係韓國唯一合法嘅政權，現有嘅統治區域嘅定義只係屬於實際管轄。
而喺韓國八道嘅傳統地域概念入面，江原道同京畿道都有部分地區係位於北韓地帶。
至於之前鬧到好大，南韓公務員喺兩韓交界海域遭槍擊身亡嘅消息，其實都係因為兩韓對於分界線(NLL)嘅定義唔同而產生嘅爭拗。
來源：연합뉴스
上面幅圖上面嘅藍線係實際上兩韓交界(NNL)嘅分界線，而下面紅色虛線督係北韓主張嘅分界，而公務員遭槍擊位置靠近NLL分界，但已經係北韓認定嘅北韓領海入面，所以引發咗相關嘅風波。
韓國新奇冷知識
4. 最低收視率嘅無線台韓劇？
KBS《快過來》
要創出新紀錄，做到最高收視率嘅韓劇唔容易，但要喺韓國家家戶戶都有嘅無線台拎到「最低收視率」就更加唔容易。
MBC《大長今在看著》
大家又知唔知？KBS喺2020年嘅韓劇《快過來》，創下咗KBS收視最低記錄，只係得0.8%嘅收視率。
而MBC喺2019年推出嘅綜藝電視劇《大長今在看著》拎到更加低嘅0.6%，同時段嘅上一套劇最低3.1%嘅收視率，可以睇得出唔夠1%收視率嘅韓劇係幾咁少有呢。
韓國新奇冷知識
5. 首爾最多外國人嘅地方唔係梨泰院？
大家成日都會認為，首爾最多外國人住嘅地方就係位於龍山區嘅梨泰院，但其實唔係呢到！
根據首爾市嘅人口普查結果顯示，最多外國人住嘅首爾市內區域係永登浦區，龍山區嘅排名拍馬都追唔上，而最少外國人人住嘅就係道峰區。
韓國新奇冷知識
6. 韓國有專俾老人家嘅Club？
韓國高齡化人口愈嚟愈多，平時可能冇嘢好做，留喺屋企又唔知做乜好，所以為咗迎合呢班銀髮族嘅作息，一到夜晚就會閂門嘅銀髮族Club「Colatek」就喺咁樣誕生咗！
Colatek嘅入場券都好平，Club入面只係賣冇酒精嘅嘢飲，例如可樂、乳酸飲品、 果汁等等。
舞池側邊都會有工作人員睇實，費事老人家情緒太High而唔小心跌親，又或者會出現年齡相差太多嘅組合，預防騙案發生。
來源：중앙일보
銀髮族Club集中喺偏高齡人口居多嘅東大門區一帶，等成日筋骨僵硬，唔知做乜好嘅老人家喺到聚會，重溫年輕舊夢都唔駛在意去一般嘅Club會俾其他年青人望住，喺呢到反而可以做自己。
韓國新奇冷知識
7. 三伏日最開始係食狗肉？
韓國每到夏天伏日，都會食蔘雞湯補身，等因為暑氣而冇曬能量嘅身體可以好好咁補吓。
但大家知唔知？喺早期嘅韓國，補身嘅湯其實就係狗肉湯(補身湯)。
所以喺舊時嘅韓國，好多人都會喺三伏日食狗肉，直到最近先至主要用蔘雞湯做伏日進補嘅食物。
但係喺一啲鄉下地區，或者喺一啲年紀比較大嘅老人家心目中，食狗肉進補嘅習慣都係改唔到，但好彩而家嘅年青人大多數都已經冇咗呢類習俗。
韓國新奇冷知識
8. 韓國有一半人口集中喺首都圈？
大家嚟到首爾第一件事，一定就係覺得「啊，韓國好多人」係咪呢？
但如果去釜山或者大邱，又會覺得，咦？點解冇乜人，反而咁空虛嘅？
咁係因為韓國5,197萬人口入面，首爾嘅人口就佔咗970萬人，鄰近嘅京畿道就有1,337萬、仁川294萬，首都圈嘅人口加埋一齊就佔了韓國一半人口，所以大家先會覺得韓國好迫。
韓國新奇冷知識
9. Ryan嘅原形係Kakao老闆？
Kakao Friends嘅Ryan唔係熊，而係隻可愛又有個性嘅獅子。
但大家知唔知？Kakao Ryan嘅藍圖，其實就係Kakao嘅老闆本人！
 |  |
圓碌碌嘅臉型，細細嘅眼睛仲有粗眉毛，同Kakao老闆本人金範秀(김범수音譯)一模一樣。
雖然實際上同老闆本人一樣，總會令Fans有啲震驚，但都好多謝老闆願意借出自己嘅形象，令到可愛嘅Ryan可以誕生！
以上呢九個冷知識，大家睇得開唔開心呢？
雖然而家暫時嚟唔到韓國，但係跟住小編一齊補充一啲小知識，等自己嘅生活更加有趣一啲啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓星可愛搞笑時刻 |  男韓星理想型 |
