Hello，大家好，我哋係由韓國人每日提供最新韓國旅行資訊嘅Creatrip。
講到喺韓國叫外賣，相信唔少朋友都會諗起炸雞，不論幾夜都好，只要你想食炸雞嘅時候，打開外賣App預訂，熱辣辣嘅炸雞就會喺半個鐘內送到去你面前！大家叫炸雞就叫得多，但你哋知唔知到點解韓式炸雞會冒起呢？等小編就同大家拆解一吓啦！
韓式炸雞點解會興起？
tvN
睇到韓國國民美食，首先除咗會諗到泡菜湯同埋韓式拌飯之外，仲有嘅一定係炸雞啦！ 除咗韓國人特別鍾意食炸雞之外，韓國都有好多炸雞店，甚至係便利店或者Cafe都會買到炸雞！
tvN
根據2022年嘅數據統計，韓國有超過41,000間炸雞店，有接近21.1%嘅炸雞店都係可以做外賣服務。不過隨住近年經濟衰退，唔少炸雞店都執笠，但都有好多新興起嘅炸雞店去取代。到現時為止，已經有超過409個炸雞品牌出現啦！
炸雞店生意真係好做？
Cj Entertainment
韓國有一個作者曾經寫過一本書講因為近年經濟衰退導致好多人失業。咁其實又同炸雞有咩關係呢？因為係韓國經濟停滯嘅時候，失業人數比較多，但其實因為炸雞店嘅成本比較低。除咗咁樣之外，炸雞店所佔據嘅地方都唔多，需要嘅烹調技巧亦都唔複雜，所以就係一個好好經營嘅生意！
咁其實買炸雞可以發達？有一位45歲嘅炸雞店老闆就講，佢幾乎賣晒自己成副身家嚟到開炸雞店，雖然佢覺得喺韓國嘅炸雞行業已經係開到非常之蓬勃，但佢覺得只要自己嘅炸雞店有特別嘅折扣優惠，或者有一啲比較特別嘅菜單，就可以吸引到人嚟幫襯！
韓式炸雞同其他炸雞有咩唔同？
唔少鍾意食炸雞嘅人都會鍾意食KFC， KFC喺韓國有好多分店！不過其實韓國嘅炸雞同外國嘅炸雞比起上嚟炸粉係比較薄，同埋有好多唔同嘅未去選擇，所以其他國家嘅炸雞更勝人一籌！
另外如果你只係叫一隻原味嘅炸雞，一隻雞嘅價格平均都只係₩10,000至₩15,000。仲有另外一個賣點就係韓國嘅送餐文化配合嘅關係，只要你想食炸雞，半個鐘就會送到你面前，所以亦係另外一個令到韓式炸雞咁受歡迎嘅原因！唔知大家又有冇興趣經營返一間炸雞店呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
