韓國解夢文化
韓國都有類似嘅周公解夢？如果夢到屋企火燭竟然係好事？原因係....
Hello，大家好，我哋係由韓國人每日提供最新韓國旅行資訊嘅Creatrip。
唔知大家會唔會成日搵周公解夢呢？相信每個人都一定有訓教嘅時候發過夢，最開心莫過於夢到中六合彩，好多時夢完第二朝都會去馬會買張飛博個機會。韓國亦都有解夢呢個講法，只要夢到以下10個情況就會有好事發生。
好夢 (길몽) VS 惡夢(흉몽)
相信每個國家都有自己講法嘅好夢同惡夢，韓國嘅길몽即係好夢，而홍몽即係惡夢。今日小編想為大家介紹10個好夢，喺韓國只要夢到以下10件事，即係好快就會有好事發生。
1. 夢到錢
只係諗下都會開心嘅夢，喺韓國如果夢到錢會有兩個解釋。第一係夢到幾多，可能都會得到幾多，不過就會有負擔。第二個係由於意外嘅運氣同財富而產生嘅夢想，某程度係代表，工作會順順利利，如果開始分期儲蓄會更加好。
2. 夢到豬
喺韓國有個講法係只要夢到豬，即係有機會賺錢，特別係如果有一大班豬入屋，即係會有好多錢會入手，同時聽講夢到白豬同黑豬係最好。相反，如果係夢到隻豬逃走或者係賣豬嘅夢即係唔好，可能會失去金錢。另外，如果夢到俾豬攻擊即係會意味住會有債務旁身同會有唔好事發生。
3. 夢到屋企火燭
大家可能都會同小編一樣諗「屋企著火竟然會係好事？」喺韓國佢哋會覺得火夢即係代表有事業運同有財富，屋企會繁榮同變得有錢。不過，如果只係夢到有火，而冇屋即係做好多事都係徒勞無功，所以唔少人都好怕發到呢個夢。
4. 夢到搭飛機
如果夢到飛機喺空中飛翔，即係代表一個人嘅榮譽同地位會上升。不過，如果係夢到飛機失蹤，即係代表身邊周圍環境會變得唔穩定，同時可能會有健康問題出現。
5. 夢到屎
如果夢到屎亦可以話係一個好夢，特別係如果用手去摸即係代表會發達。相反，如果唔小心坐咗喺屎上面，即係會有唔好事嘅發生，會有好多事要去擔憂。
6. 夢到蛤蟆
如果夢到蛤蟆係一個好意頭，即係代表會有幸運嘅事發生，同時亦都會財源滾滾。如果見到蛤蟆喺一個好清嘅水入面，咁即係會所有事都順順利利。
7. 夢到祖先
부산일보
夢到祖先可以話係一個好夢同時亦係一個惡夢。如果夢到祖先俾錢自己、一齊食飯，可以解釋到家庭同事業嘅煩惱都會消失，財運亦都會變好。不過，如果係夢到唔食祖先俾嘅食物，或者係摸小朋友頭嘅話，即係生前有事未了結。
8. 夢到生小朋友
如果喺夢中見到自己生BB，生得越多，小朋友就會越健康，同時亦都會賺到好多錢。
9. 夢到有好多蘿蔔喺屋企
如果喺夢入面，見到屋企種咗好多新鮮蘿蔔，即係代表可以喺短時間內做咩都會成功，同時亦可以解釋，做得有幾努力，就會賺到幾多錢。如果夢到一個大蘿蔔，可以解釋下一個會係生仔。
10. 夢到血
如果喺夢中被刀刺傷而流血，佢可以話係一個好夢， 不過如果被刀刺傷都唔流血嘅話就會變成一個噩夢。夢中嘅血液意味住財富同金錢，血流得越多即係好事會越多。聽講唔少人夢到自己流血嘅話會去買樂透（即香港嘅六合彩）。
以上10件事都被稱為好夢，唔知大家又有冇發過呢啲夢，又覺得準唔準呢？歡迎大家留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk