Hello，大家好，我哋係由韓國人話你知每日最新資訊嘅Creatrip。
#韓國戲院 #韓國睇戲
#韓國文化 #韓國汽車戲院
近呢幾個月，因為疫情嘅關係，香港嘅戲院都有一排冇開，就算最近開返，唔少人都會選擇喺屋企睇Netflix，減少去戲院嘅機會，所以其實香港嘅票房都好慘淡。
不過韓國係疫症嘅打擊之下，電影業居然冇受影響，票房反而仲有增加添！
一齊嚟睇吓韓國點解可以咁犀利守到票房啦！
✨馬上Follow我哋IG
instagram.com/creatrip.hk
汽車戲院（Drive-in- theatre)
雖然韓國都係受到疫情影響，但係韓國嘅電影業都有一番新景象，近呢幾個月就搞咗汽車戲院。
汽車戲院（Drive-in- theatre) 顧名思義就係可以喺汽車入面睇戲，唔單止可以有獨立嘅睇戲空間之外，仲可以減低人與人之間嘅接觸。
想睇戲嘅人只要揸住架車去露天停車場，就可以睇住大銀幕睇戲啦！
平時大家去戲院嘅時候，一定要買戲院提供嘅小食，反而如果喺汽車戲院睇戲，就可以去便利店買你鍾意食嘅嘢都冇問題！
戲飛係以一架車咁計，一架車嘅費用係22000韓幣，如果一架車有兩個人嘅話每人都只不過係11,000won (約HKD73.3)，真係相當之抵啊！
其實喺早幾年由朴敍俊主演嘅三流之路裏面都出現過一幕汽車戲院嘅情節，當時就揭起左呢一個熱潮。
大家都覺得係汽車戲院裏面睇戲可以唔使畀其他人騷擾，所以好多人都開始鍾意呢一個文化。
小編我都好鍾意呢一個汽車戲院嘅體驗，如果呢一個文化都引入香港就好啦！
✨馬上Follow我哋IG
instagram.com/creatrip.hk
| 其他延伸閱讀 | |
 螢幕情侶排行榜 |  血型睇性格 |
