Hello，大家好，我哋係由韓國人話你知每日最新資訊嘅Creatrip。
#韓國流行 #穿搭
#韓國女裝 #秋裝
近排香港嘅天氣都清涼咗好多，即係代表著背心短褲嘅夏天就來完，係時候要添置啲保暖嘅衣物啦。
雖然話香港係無四季，秋天眨下眼就過，但係韓國嘅秋裝咁靚，點可能忍到手唔買？
小編今日就想介紹下今個秋天韓國流行啲乜嘢穿搭元素，希望燒到大家！
✨馬上Follow我哋IG
instagram.com/creatrip.hk
2020韓國秋季女性穿搭
1.CARDIGANS 針織開襟外套
CREAM CHEESE
第一樣秋天必備嘅穿搭元素一定係針織開襟外套。
針織嘅質地舒服又保暖，但唔會太厚搞到好熱，室外覺得凍嘅時候可以著；室內覺得熱又隨時可以除。
喺韓國好流行上身著一件鬆身嘅針織冷衫下身著格仔短裙，呢種秋夏嘅混搭出乎意料地好好睇。
而且仲有好多唔同嘅款式，無論係格仔紋定針織紋都咁好睇，想可愛啲仲可以揀有大孔洞元素嘅款。
格仔同花呢嘅針織外套都好受歡迎，就咁襯條普通牛仔長褲已經好有風格。
2. 西裝褸
米白色嘅上衣配深色西裝褸真係不敗嘅穿搭元素！
西裝外套加長裙咁樣一套買都唔洗5萬won！
可以出街著亦都可以係返工嘅辦公室套裝，百搭又適合唔同場合，大家點可以唔入手一套？
無論係襯短裙定長褲都一樣咁好睇。
就咁睇相已經見到韓妹對於西裝外套有好多唔同風格嘅配搭。呢一款物料係咪好特別呢？一眼望落係普通花呢外套，但著上身又有唔同嘅感覺。
格仔依然係秋天穿搭最流行嘅圖案。
3. 連身裙
連身裙係一年四季都不敗嘅穿搭，但係秋天嘅連身裙就著重於表達到溫暖嘅顏色同埋格仔圖案，睇落又靚又顯瘦！
無論係深色定淺色連身裙，襯啡色嘅配飾，例如啡色嘅手袋，即刻成個感覺好秋天。
大家記唔記得呢種風衣型連身裙喺舊年好流行，今年就比較流行象牙白色嘅款式。
呢種連身裙仲可以加件打底嘅白色襯衫，增加層次感同埋色彩嘅配搭。
碎花款式喺秋天都係相當流行，雖然碎花似係春天嘅專屬圖案，但係一條裙可以有好多唔同嘅表現方式，只要襯得啱就唔會有季節性嘅限制！
而家已經有好多韓國嘅網購網頁同手機程式可以買到韓國當地嘅時裝，大家記得要捉緊短暫嘅秋天，快啲去入手秋裝啦！
✨馬上Follow我哋IG
instagram.com/creatrip.hk
韓國網購APP
秋冬季流行髮色
