Hello，大家好，我哋係由韓國人每日提供最新韓國旅行資訊嘅Creatrip。
每一年每個國家或地區都會有選美活動，透過呢啲選美活動去揀當地國家最靚嘅女仔出嚟，而全世界最大型嘅選秀活動就係世界小姐，唔同國家最靚嘅代表就會一齊去參與世界小姐嘅選美活動。韓國嘅審美觀咁嚴格，但近十年韓國嘅審美標準都有好大轉變，等小編一齊同大家睇下韓國對韓國小姐有咩審美標準啦！
韓國小姐選美文化
1. 韓國小姐選美發展
한국일보
韓國小姐選美由1957年開始，最初由Global E&B主辦，佢係韓國日報嘅子公司，成立於2018年，只要係韓國選美比賽獲勝者，就可以同Global E&B簽約同工作，更有資格可以參加環球小姐、世界小姐、國際小姐同地球小姐等國際選美比賽。
2. 成為韓國小姐嘅資格
미스코리아 조직위원회
想成為韓國小姐，需要高中以上學歷，年齡限制由18至28歲未婚女性。以前身高都要符合資格先可以，不過而家已經冇再限制。
3. 韓國小姐選美標準
이데일리
韓國小姐選美標準其實係保密，判斷標準完全取決於評審團，但基本上，唔單止要有樣，同時仲要評斷自信、態度、智力、品行等方面，如果之後被選入決賽，性格同智力會再透過個人面試嚟評估。
스타패션
甚至喺選美比賽中，有素顏評價，化妝專家會喺進行評估之前叫大家卸妝。雖然整容手術唔會影響選拔，但評委會唔多唔少會將整容包括喺評審入面。
4. 真善美意義
韓國選美小姐：金成鈴、金思朗、高賢廷
韓國小姐第1、2、3名分別為真、善、美。大家會唔會好奇點解「美」反而會係排第三呢？ 因為受到柏拉圖審美標準影響。「真」實嘅美，先係「真正美」意義，受到韓國小姐影響，其他韓國選美比賽都會用真、善、美等頭銜去排名。
5. 韓國小姐獎勵
jtbc 뉴스
截至2018年，成為「真」韓國小姐總獎金為5,000萬+獎學金為5,000萬，合計1億韓幣；獲得「善」頭銜韓國小姐可以獲得3,000萬韓幣；而「美」可獲得2,000萬韓幣。成為韓國小姐嘅人，之後會出現喺電視節目、宣傳韓國等，成為當年度韓國名人之一。
6. 韓國小姐地位
인사이트
作為韓國美女代表，韓國小姐過去人氣都係幾高，好多都成功轉變成為藝人，不過因為曾經發生過審查過程中，評審收受經紀公司、參賽者本人賄賂事實被揭露，韓國小姐地位開始有啲動搖。
뉴스인사이드/동아일보
同時由於女權主義者同婦女團體反對，自1972年一直都有直播嘅韓國小姐決賽，不過喺2001年5月27號MBC播出最後一集後就冇再見到，話題性逐漸開始減弱。
2019年韓國小姐選美比賽只喺YouTube、V LIVE等網路平台播出，冇電視轉播、泳裝評審被取消。所以到咗而家，韓國小姐討論度好低，好多人唔知「真善美」評選標準。
就連選美先生都一樣，越嚟越少人講起。
7. 韓國選美趨勢
韓國美妝好受歡迎就係人都知，加上Kpop咁受歡迎，唔少靚女都會想出道成為女團，所以其實好多競爭者都必須要有個靚樣，由10年前開始，如果係選美活動脫穎而出嘅話，就可以上報章雜誌，或者各大嘅媒體，所以唔少人都好渴望可以贏到比賽！
Cr. Reddit
贏得頭三名嘅佳麗就會有好大機會會成為韓國演藝圈嘅一份子，所以如果想入娛樂圈嘅好多人都會由參加選美開始，特別係近呢幾年，好多人都為咗令自己可以脫穎而出而去整容，喺2013年嘅時候，大家都覺得嗰屆嘅韓國小姐個個都好似樣。
Cr. Yonhap
到近年其實有好多人都反對呢啲選美活動，反對嘅人都覺得呢啲選美活動好似係被利用去做宣傳工具咁。而喺韓國，靚嘅定義就係要夠高，身材夠苗條修長同埋夠白，所以好多女仔都好希望可以達到呢個標準，變到受大眾鍾意嘅典範。
Cr. ABS-CBN Entertainment
洛杉磯嘅呢時裝企業家曾經講過：「其實透過睇到唔同國家嘅選美活動，都睇得出唔同地方嘅候選人具備唔同嘅條件，有一啲國家喺選美活動唔係只係睇參加者嘅外貌身材，都會睇佢哋嘅性格，思想同埋有冇自信等等。」設計師們仲有講過：「其實判斷美貌唔可以只係睇表面，都要睇埋內在美！」
韓國算係一個審美標準比較高嘅國家，雖然以前到而家都好注重美貌，但近年已經開始注重內在美，而家嘅韓國小姐可以講係美貌與智慧並存啊！
Cr. Manila Up
2019年嘅Miss Korea得獎者都講過靚唔單止係表面，性格同思想都好重要，「一個女人最有魅力嘅地方就係有目標為自己嘅理想進發！」
喺追求「靚」嘅韓國社會下，要成為大家都公認嘅「美女」並唔容易，不過比起外貌，大方得體有自信，應該會令人覺得鍾意，唔知大家又覺得點呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
