韓國最佳螢幕情侶排行榜
網民票選10對最佳螢幕情侶，第一名會係？當中大家又追過邊一套？
Hello，大家好，我哋係由韓國人每日提供最新韓國旅行資訊嘅Creatrip。
平時煲劇，唔知大家會唔會同小編一樣，都好容易代入角色呢？每一次睇都會覺得劇入男女主角好襯，今日想為大家介紹韓國網民票選10對最佳螢幕情侶。到底第一名會係邊個？大家心目中第一名又會係邊個呢？
韓國最佳螢幕情侶排行榜
TOP 10. 《鬼怪－孤單又燦爛的神》 - 李東旭、劉仁娜
스포츠Q
相信如果之前有追過《 鬼怪－孤單又燦爛的神》嘅大家，應該都知佢哋喺戲入面感情綫好曲折。繼《鬼怪》之後，佢哋仲有再拍《觸及真心》，一上映收視率已經係勁高，呢對螢幕情侶唔少人都希望佢哋可以成真。
TOP 9. 《Healer》 - 池昌旭、朴敏英
성광일보
記得小編想當年追呢一套戲嘅時候，真係又刺激同會不斷心跳加速，原因係池昌旭喺戲入面係做跑腿，只要一有錢就會去行動，每一次行動都會令人心驚膽跳，直到佢遇到朴敏英，兩個人嘅互動都令人超冧同肉麻。
TOP 8. 《金秘書為何那樣》 - 朴敘俊、朴敏英
YTN
唔知大家知唔知呢一套戲係改編自2013年同名人氣網路漫畫呢？喺2018年話要計劃拍真人版嘅時候，唔少人都好好奇到底會搵邊位男、女主角。最後得知係朴敘俊同朴敏英嘅時候，唔少人都大讚超襯，甚至之前仲有謠言話佢哋已經秘戀3年。不過最後經理人同雙方都有出嚟澄清，所以大家都可以安心。
TOP 7. 《命中注定我愛你》 - 張赫、張娜拉
부산일보
呢套戲係改編自台劇版本，張赫、張娜拉 呢對螢幕情侶其實係繼《開朗少金》 第二次合作。2002年佢哋拍嘅《開朗少金》 成為咗當時收視率最高青春偶像劇，小編細個嘅時候都有睇過。
TOP 6. 《奇怪的搭檔》 - 池昌旭、南志鉉
연예투데이뉴스
雖然小編冇睇過呢套戲，不過記得當時有唔少新聞有傳，池昌旭同南志鉉到底係咪戲假情真。唔少網民都覺得佢哋兩個都好襯，因為戲入面有唔少Kiss鏡頭，睇到人哋心都卜卜跳。
TOP 5. 《我有愛人了》 - 池珍熙、金賢珠
SBS
只要提到池珍熙，大家一定會諗到《大長金》閔大人。池珍熙一直俾人一種深情嘅感覺，喺《我有愛人了》竟然飾演賤男，一腳踏兩船。不過唔少人都覺得佢同金賢珠喺戲入面真係好襯。
TOP 4. 《經常請吃飯的漂亮姐姐》 - 丁海寅、孫藝珍
한국경제
孫藝珍同丁海寅喺戲入面嘅火花，小編真係睇到不斷心心眼。因為丁海寅每一個行為，都可以睇得到佢對孫藝珍嘅愛。
TOP 3. 《惡作劇之吻》 - 金賢重、庭沼珉
나무위키
故事改編自日本漫畫家多田薰嘅漫畫《淘氣小親親》。小編有睇過韓版、台版，以前一到暑假就會重睇，直到而家都覺得仲係好心動。
TOP 2. 《W－兩個世界》 - 李鍾碩、韓孝周
YTN
呢套戲係現實同虛幻中交錯展開驚人懸疑愛情，好多情節都係估唔到，令人忍唔住要追落去。當時佢哋拍完仲拎到最佳情侶獎添，小編真係覺得係實至名歸！
TOP 1 . 《愛的迫降》- 玄彬、孫藝真
第一位就係《愛的迫降》啦！小編覺得係目前睇過最浪漫嘅愛情戲，每一次見佢哋要分離，小編都忍唔住喊。佢哋係戲中嘅互動，當年唔少網民都話希望佢哋現實可以喺埋一齊，今年佢哋仲宣佈會結婚！真係恭喜哂啊！
以上10對網民票選情侶，唔知大家又最鍾意邊一對呢？歡迎大家留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk