Hello，大家好，我哋係由韓國人每日提供最新韓國旅行資訊嘅Creatrip。

喺韓國食燒肉，以前好多時都要2人份起。不過隨住越嚟越多一人家庭，或者好多上班族夜收工，一個人食飯時間就越多。而家喺韓國可以搵到好多一人食堂，今日想為大家介紹一間「一人燒肉店」。到底多唔多人去？我哋一齊去睇下啦！

富川 「獨孤真1人食堂」 介紹

地址： 경기 부천시 중동로 244 

小Tips：富川市廳站1號出口行大約12分鐘

營業時間：每日17:00 - 24:00；逢星期一休息

一入到就會見到每一張檯都係獨立，好有自己私人空間。原本可能會以為因為係燒肉店，會好油，但呢俾人一種好乾淨嘅感覺。

每一張檯都會有煤氣爐、電視、叉電位、圍裙、衣架等。雖然每個空間麻雀雖小，但五臟俱全，大家諗到可能需要嘅，老闆都已經好貼心放喺每個座位到。

因為一人燒肉店仲未話有好多，所以可以見到牆上有唔少媒體報導過。

每一張檯仲會有一張告示提大家。

1. 如果係叫主食（非肉類），會包一個白飯。

2. 唔好將TV遙控器放喺爐附近。

3. 如果用個人耳機，建議可以連接側邊黑盒。

5. 燒肉嘅時候，唔好將肉放喺最邊位。

6. 風扇制喺後面。

7. 洗手間喺門口拎鎖匙，出去轉右兜一個圈就會見到。

提提大家，要開電視一定要靠近啲開，如果唔係就會開唔到。

落完單之後，職員就會好快小菜，每一款小菜都可以refill，特別係個海帶湯真係超好飲，好濃！

相中為二人份，係國產豬肉。

一個爐最多可以燒3塊，望住真係好有幸福感。

燒到差唔多熟嘅時候，大家就可以剪啦，燒到變金黃色就可以食得。

小編本身就好鍾意包菜同其他小菜一齊食。當然.....食燒肉嘅時候又點可以唔飲返杯燒酒呢？

大家完全唔需要睇其他人眼色，大家都各自食得好開心，甚至小編見到都有唔女性自己嚟食。

大家睇到呢度，又會唔會想之後都去試吓呢？

主菜

一人食燒肉其實都可以好開心， 甚至係一個好好嘅體驗，希望大家會鍾意今次嘅介紹啦：)

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購