韓國人搭飛機嘅特點
原來韓國人搭飛機嗰陣會咁樣？你遇過嘅韓國人係唔係咁嘅呢？
유정언
4 years ago
Hello，大家好，我哋係由韓國人每日提供最新韓國旅行資訊嘅Creatrip。
唔知道大家以前搭飛機嘅時候，有冇留意到唔同國家嘅旅客都會有唔同嘅習慣呢？其實我哋嘅一舉一動都俾啲空姐空少睇到晒，最近就有外國嘅空姐空少整理出韓國旅客嘅三大特點，我哋一齊嚟睇下有邊啲啦！
韓國人搭飛機嘅特點
1.動作非常之快
韓國人出咗名心急，佢哋唔單止上機嘅時候動作快、食嘢食得快，就連準備動作都超快，完全唔似其他國家嘅乘客咁要提佢哋「打開餐枱」，佢地一早就打開哂等食飯。
2.好憎要等
除咗一衝上飛機就催人哋要「快啲起飛」，居然仲會有韓國人直接喺登機門仲未開嘅30分鐘前就嘈住要上機。有時咁樣嘈反而會造成起飛同降落嘅延誤，真係好誇張！
3.好鍾意發脾氣
因為韓國旅客好多都無表情，講嘢嘅語氣唔係咁溫柔，亦相對比較少同空姐空少佢哋講唔該，所以就容易俾人覺得應該喺「發緊脾氣」。不過空姐空少佢哋最後都有補充，如果機內有啲乜嘢突發嘅狀況，會第一時間上前熱心幫手嘅通常都喺韓國人！所以大部分韓國人比人嘅印象都好好㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk