韓國飲酒文化
喺韓國飲酒原來要注意呢啲？原來咁樣做係犯咗大忌？
유정언
4 years ago
Hello，大家好，我哋係由韓國人每日提供最新韓國旅行資訊嘅Creatrip。
香港人一放假就好鍾意同三五知己去下bar 飲下酒！飲酒嘅時候都唔會有咩特別規矩嘅，只係同朋友一齊飲得自在同開心就得！但原來韓國人飲酒有好多唔同嘅嘢要留意，一個唔留神可能會犯大忌添啊！小編今日為大家整理咗5樣你要留意嘅事！
韓國飲酒文化
1. 後輩同長輩飲酒一定要擰轉身 
2. 記得唔好自己幫自己斟酒
下？唔係掛！咁恐怖！韓國有個講法係如果自己幫自己倒酒，坐你對面嘅人嚟緊三年都會行衰運。另外都有一個講法就係如果自己斟酒俾自己嘅話，會令自己三年內識唔到另一半。（小編內心OS：我唔想識唔到男朋友啊！）所以大家飲酒記得要等朋友斟俾你啦！
3. 用左手扶住右手拎酒杯
斟酒嘅時候用右手拎酒樽，左手要輕輕扶住右手。咁樣拎住唔係話因為因為驚你隻右手唔夠力，而係有表示尊重同埋唔該嘅意思，所以下次有長輩或者朋友幫你斟酒嘅時候，記得要用左手扶住右手接酒啦！
4. 出去飲酒通常要去三場
韓國人出去飲酒通常都要 1차 (第一場）、2 차（第二場）、3차 （第三場）咁！通常第一餐會去食一啲飽嘅主食，再配酒一齊飲！
第二餐就會係食啲小食類啊炸雞配啤酒，而第三餐可能就會去布帳馬車等等。
5. 飲完酒一定會飲解酒湯
香港人通常飲完酒就會返屋企直接瞓覺，但韓國人唔係㗎！佢哋點都會去飲埋戒酒湯先返屋企，喺韓國最出名嘅戒酒湯就有薯仔排骨湯、血腸湯同埋海帶湯等等！
大家記得mark低佢啦！以後同韓國人飲酒或者去韓國飲酒就可以入鄉隨俗啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk