韓國偶像讀咩學校？

有無諗過喺學校可以見到偶像？到底偶像喺學校要讀咩？普通人又可唔可以讀佢哋嘅學校？

마타티카

4 years ago

Hello，大家好，我哋係由韓國人每日提供最新韓國旅行資訊嘅Creatrip。

雖然有好多韓國偶像為咗可以全心投入佢哋嘅音樂事業而選擇唔讀大學，不過其實大部分偶像都有高中畢業嘅證書，而且好多偶像仲係喺「呢間」藝術高中讀書！你哋又知唔知係邊間？今日小編就會介紹一啲喺首爾專門教授藝術方面嘅知識嘅高中，有無想像過喺學校可以見到自己偶像？到底偶像喺學校要讀咩？普通人又可唔可以讀佢哋嘅學校？學費又貴唔貴呢？

韓國偶像嘅學校

1. 翰林演藝藝術高等學校

พบกับโรงเรียนที่มีศิษย์เก่าและศิษย์ปัจจุบันเป็นเหล่าไอดอลเกาหลี! แต่ล่ะโรงเรียนมีสาขาอะไรให้เรียนบ้างนะ? คนธรรมดาเข้าเรียนหรือเปล่า? ค่าเทอมแพงมั้ย?พบกับโรงเรียนที่มีศิษย์เก่าและศิษย์ปัจจุบันเป็นเหล่าไอดอลเกาหลี! แต่ล่ะโรงเรียนมีสาขาอะไรให้เรียนบ้างนะ? คนธรรมดาเข้าเรียนหรือเปล่า? ค่าเทอมแพงมั้ย?

翰林演藝藝術高等學校（翰林藝高）位於韓國首爾市松坡區，創立於1960年。呢間學校有唔少明星校友，例如TWICE嘅多賢、子瑜同彩瑛，IZ*ONE嘅采源，ASTRO嘅產賀，Fromis_9嘅采映、河英、賽綸，仲有Red Velvet嘅Yeri，甚至f(x)嘅成員Krystal等等現役偶像都係呢間學校嘅畢業生！

翰林藝高係一間重視培養學生嘅個人特色同才能嘅藝術高中，佢哋提供嘅課程都係一般傳統高中入面幾乎無嘅。

翰林藝高就有以下關於藝術嘅學科：

- 演藝科

- 音樂劇科

- 實用舞蹈科

- 實用音樂科

- 時尚模特兒科

- 影像製作科

呢間學校嘅校長曾經講過「好多人對於跳舞同唱歌仍然存有偏見，導致好多具備呢方面才能嘅學生都缺乏自信心，如果佢哋係上緊一般傳統高中嘅話，可能要停止學業甚至退學先可以專注喺自己嘅專長上面，我哋希望可以幫佢哋喺自己嘅特長上進行教育。」

如果小編以前間中學嘅校長都有咁開明就好啦...翰林藝高一年嘅學費大約₩10,000,000左右（大概係港幣66,000）。呢到嘅學生仲有機會參與學校內部嘅娛樂公司試鏡，而根據學校嘅網頁，任何人都可以申請入學，前提係要通過佢哋選擇嘅專科嘅水平測試。小編就覺得學費同香港一啲直資學校差唔多，如果你哋對於藝術或者娛樂有興趣，都可以試下申請入讀翰林藝高㗎～

2. 里拉藝術高中

พบกับโรงเรียนที่มีศิษย์เก่าและศิษย์ปัจจุบันเป็นเหล่าไอดอลเกาหลี! แต่ล่ะโรงเรียนมีสาขาอะไรให้เรียนบ้างนะ? คนธรรมดาเข้าเรียนหรือเปล่า? ค่าเทอมแพงมั้ย?

可能唔係太多人有聽過里拉藝高呢個名，但其實CIX嘅裵珍映，T-ara嘅朴芝妍，f(x)嘅Luna同埋Wonder Girls嘅惠林都係呢間學校嘅畢業生！所以里拉藝高都係韓國偶像嘅另一個選擇。

呢間學校位於首爾中區，喺1952年創辦，比起其他藝術高中，里拉藝高仲有提供藝術以外嘅學科選擇，包括電腦(Department of Computer Media)，健康科學(Department of health science)，數位聲音內容部門(Digital Sound Content Division)，同埋視覺音樂學科(Department of Visual and Music Contents)。