韓國人最愛嘅五大洗頭水
韓國人最愛邊五款洗頭水？呢幾支究竟有咩咁特別？
Hello，大家好，我哋係由韓國人每日提供最新韓國旅行資訊嘅Creatrip。
成日都見到啲韓美嘅頭髮時時刻刻都可以keep得咁好，可以咁清爽唔出油？其實佢哋都有落足心機保養自己嘅頭髮㗎！今日就等小編同大家介紹五款韓妹必備嘅洗頭水啦！
韓國人最愛嘅5大洗頭水
TOP 5：YURIPIBU (유리피부)香蕉洗頭水
價錢: 500ml ￦27,000 (港幣 HKD163.6)
韓國大熱第五位嘅洗頭水就係呢支YURIPIBU嘅香蕉洗頭水，呢隻洗頭水有32%嘅香蕉提煉二成嘅精華，以「真香蕉洗髮水」命名，喺其他地方真係冇見過！香蕉含有豐富嘅血清素同埋鎂，可以有效幫助去除頭皮上多餘嘅頭皮屑同埋油份，仲有好香嘅香蕉味添！
TOP 4：Biorga保濕均衡洗髮水&沐浴露
![]()
價格: 1000ml ￦18,500 (港幣 HKD112.1)
呢款洗頭水唔只可以洗頭，仲可以用嚟沖涼同洗面，呢款產品專門係比皮膚敏感或者頭皮敏感嘅人用嘅，唔單止冇任何香料成分、仲冇任何防腐劑添！如果你係有皮膚敏感嘅人，絕對唔可以錯過呢款啦！
TOP 3：AROMATICA 迷迭香防脫髮洗頭水
價錢: 400ml ￦20,000 (港幣 HKD$121.1）
第3位就係呢支AROMATICA嘅迷迭香防脫髮洗頭水，呢款洗頭水可以去除頭皮細胞，為頭髮注入營養，令你嘅頭髮保持濕潤同埋光滑。呢款洗頭水有97%都係用天然材料提煉而成，仲可以防脫髮添！如果有頭皮問題嘅朋友真係好適合用呢支㗎！
TOP 2：Manyo Factory 天然綠色草本洗頭水
價錢: 510ml ￦25,000 ( 港幣 HKD151.5）
第二位就係呢支Manyo Factory嘅天然綠色草本洗頭水，呢隻洗頭水係一隻非刺激性嘅洗頭水，含有99% 非化學活性。韓妹之所以咁鍾意佢就係因為佢可以救到佢哋乾燥嘅頭皮，仲有好香嘅草本味！
TOP 1：Dr. Orga 茶樹精華洗頭水
價錢: 500ml ￦33,000 (港幣 HKD200)
第一位就係呢支Dr. Orga嘅茶樹精華洗頭水，呢隻洗頭水採用99.75%天然成分同埋蘆薈提煉而成，仲通過咗PETA （動物道德治療者）嘅正式認證。呢隻洗頭水最適合油性頭髮嘅人用，去頭油真係一流，所以連續兩年都係韓國人票選嘅number 1 ！
以上呢五款就係韓妹最常用嘅洗頭水，如果你都想好似韓妹咁擁有秀髮，就一定要買嚟試吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk