Hello，大家好，我哋係由韓國人話你知每日最新資訊嘅Creatrip。
望遠出名嘅其實唔止望遠市場，呢邊仲有好多好嘢食同啱曬打卡嘅咖啡店，無論大家係同朋友、屋企人、或者男女朋友嚟都好適合！
小編今日就去咗一間喺望遠站2號出口附近嘅「台灣一人火鍋專門店」，老闆娘同員工都係正宗台灣人！
雖然而家因為疫情影響，遊客嚟唔到韓國旅遊，但小編為咗仲留喺韓國嘅學生同上班族，專程嚟咗呢間火鍋店試下味。
望遠「台灣一人火鍋專門店」資訊
- 地址：서울 마포구 동교로9길 49 2F
- 營業時間：11:30至22:00（15:00至17:00午休）；逢星期二休息
望遠「台灣一人火鍋專門店」優惠
- Creatrip會員下載優惠券，送台灣一人火鍋專門店嘅丸類。
望遠「台灣一人火鍋專門店」推薦嘅理由
- 就算唔係台灣人，有時候都會好想食台灣嘅嘢食。當喺韓國好想食台灣食物但又去唔到台灣嘅時候，嚟呢間一人火鍋專門店就可以食到懷念嘅台灣味道，而且仲可以一人用餐。
- 呢間火鍋店位於地鐵望遠站嘅附近，交通方便食材都好新鮮，仲係由台灣人親自經營，確保做出正宗台灣嘅味道，大家快啲記低下次去食啦！
望遠「台灣一人火鍋專門店」位置
- 地址：서울 마포구 동교로9길 49 2F
- 小Tips：由望遠站2號出口出嚟之後，即刻右轉入小巷直行大約2分鐘左右，見到KT之後右轉就可以見到「台灣味火鍋」。
入到呢間台灣一人火鍋店入面，可以見到裝修風格清新，環境乾淨，而且燈光又夠明亮，連餐具擺設都好有台灣嘅感覺！
火鍋店仲有擺賣一啲台灣食品，打完邊爐之後仲可以順便買埋返屋企，緬懷下喺台灣旅行嘅日子。
呢到嘅餐牌唔止有韓文，仲好貼心咁有繁體中文喺隔離。
湯底分咗三款：蔬菜雞湯、牛奶芝士同埋麻辣湯底，肉類都有牛、豬、雞可以揀，想食其他配料可以一份份咁單嗌。
食素嘅朋友都唔洗擔心，佢哋有提供另一款特製嘅素食湯底，肉類都會換成蔬菜或者台灣製嘅素食丸類。
呢個就係每一個套餐都會包含嘅蔬菜盤，係咪諗起喺台灣本地嘅火鍋店都會有呢種擺設呢？
肉類嘅部分都好新鮮，餐牌上面仲有標示食材嘅出產地，咁大家就食得開心又放心啦。
喺主食方面，可以揀要白飯、烏冬或者關廟麵其中一款。
就連自助醬料區都充斥住濃濃嘅台灣味道！除咗台灣火鍋必食嘅沙茶醬，呢間位於望遠站嘅「台灣一人火鍋店」仲有唔少醬料提供。
大家可以按自己嘅口味配搭出最鍾意嘅台灣醬料。
而飲料嘅部分就係自助嘅，有奶茶同冬瓜茶輪流比大家揀，係咪好有台灣嘅感覺呢？
 |  |
左邊係牛奶芝士湯底，右邊就係蔬菜雞湯底，建議大家放食材入去之前飲啖湯感受下個清甜嘅味道先。
全部配料都已經上曬檯啦，睇落係咪超豐富呢？有主食，又有蔬菜、肉類，真係望到都流曬口水啊。
對於住係韓國但又好掛住想去台灣旅行嘅咁多位，一定已經好耐都未食過呢種正宗嘅台灣味道。
大家快啲嚟位於望遠站嘅「台灣一人火鍋專門店」回味下啦！
將個鍋嘅溫度調校到4至5左右，等湯滾之後就可以擺食材，呢啲唔洗小編多講相信大家一定已經好熟悉。
小編都因為疫情關係好耐都無去過台灣旅行，好彩有呢間台灣人喺韓國開嘅台灣火鍋店，都算係幫小編止咗少少癮。
搭配埋醬料一齊食，呢個味道真係超級幸福，尤其係將啲肉烚熟之後蘸少少沙茶醬，小編差啲就以為自己而家就係身處喺台灣！
啲火鍋配料同蔬菜都係非常之新鮮好味，不過大家要小心，食呢個仿海膽丸嘅時候，唔好好似小編咁無留意大大啖咬咗落去，咁就比佢焫親條脷...
呢到仲有台灣人喺韓國見到都會尖叫嘅飲品！
唔好唔記得，而家下載Creatrip會員專屬嘅優惠券，出示畀店員睇，就可以免費食到老闆娘送嘅丸類。
有仿海膽丸，芝士丸同花枝蝦漿（左邊係一人份，右邊就係二人份），全部都係台灣製造㗎。
點樣先可以享受到位於望遠：台灣一人火鍋專門店嘅優惠？
現場消費嘅時候，點擊下面網址下載Creatrip專屬優惠券，再出示比店員睇，就可以享受Creatrip獨家嘅優惠。
以上係望遠「台灣一人火鍋專門店」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
