Hello，大家好，我哋係由韓國人話你知每日最新資訊嘅Creatrip。

#韓國美食 #韓國傳統料理
#牛骨湯 #豬肉湯飯 #燉雞

韓國傳統料理有分好多唔同嘅菜式，每種菜都幾乎可以喺唔同地方都可以食到，大家知唔知呢啲傳統料理係起源自邊度嘅呢？

等小編一次過話你知，以下呢啲料理去邊讀食先係最正宗啦！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

喺邊度食到正宗韓國美食

1. 釜山豬肉湯飯

好多人都好鍾意食豬肉湯飯，每次遇到啲韓國人，都會問下佢哋究竟邊度先可以食到最正宗嘅豬肉湯飯，但聽返嚟嘅答案全部都唔同。

豬肉湯飯之所以咁出名其實係源於韓戰時期，當時嘅難民因為肚餓，所以就攞咗美軍唔要嘅豬骨同埋肉碎等等，仲將呢啲料煮成湯飯，成為咗一個時代嘅共同回憶。

2. 羅州牛骨湯

牛骨湯同雪濃湯其實係唔同㗎！

雪濃湯係用牛骨同埋碎肉整成嘅湯，但牛骨湯係用肉去燉，撈埋啲牛肉嘅泡沫同埋油脂、燉完出嚟完全係清澈濃郁嘅湯，小編比較起嚟就更加鍾意牛骨湯嘅味啦。

相傳喺日本殖民時期，羅洲呢個地方就係養牛嘅，佢哋好多人都會將剩低嘅肉同埋內臟燉煮嚟食，但因為食材唔係咁乾淨， 都要經過一段長啲嘅時間去煮，去除咗雜質之後就變成左今日嘅牛骨湯啦！

3. 利川米

韓國人最鍾意嘅就係國產米，好似係京畿道利川呢一個地方就係出產大米嘅。

係以前朝鮮嘅時候種出嚟嘅大米係要進貢比皇帝，嗰陣時嘅平民係唔可以隨便食米。

因為咁樣，利川嘅白米就成為左全韓國最據指標性嘅米啦！

4. 大邱烤腸

全韓國有咁多間烤腸店，究竟邊一度食烤腸係最正宗呢？當時係大邱啦！

大邱嘅烤腸之所以咁出名係可以追索返70、80年代嘅時候。

當時大邱嘅市場開咗幾間烤腸店，因為越開越多嘅關係，慢慢就建立咗一條大邱烤腸一條街啦！

雖然烤腸唔係一啲好有特色嘅美食，但除咗大邱最出名食烤腸之外，首爾嘅往十里都有烤腸街㗎！

5. 安東燉雞

講到食燉雞，一定就係安東雞最出名！

燉雞係好多人鍾意嘅韓式料理，佢加入咗好多唔同嘅配料同埋醬料一齊燉煮，超好餸飯。

佢之會出名其實係因為喺朝鮮時代，住喺城牆裏面嘅士大夫會喺特別嘅日子煮雞肉料理，久而久之就變咗安東燉雞啦！

6.全州拌飯

拌飯可以話係韓國料理之中最具代表性嘅美食，係200年前就出現。

全州拌飯之所以咁出名，其實係因為以前嘅韓國食譜同埋故事書當中提及到全州嘅拌飯係最出名！

韓國拌飯可以話係韓國美食之中嘅榜首，以前仲係宮廷料理添！

呢款拌飯除咗有飯之外，仲有唔同嘅配料，對吸收營養都好大幫助！

.

7. 濟州黑毛豬

濟州最出名就係黑毛豬，黑毛豬係全身都生滿黑毛，只有濟州島呢一度先有。

黑毛豬同普通粉紅色嘅豬飼養方式都唔同，係好多旅客嚟到韓國一定要食嘅美食。

8. 春川蕎麥麵

講到食蕎麥麵，最出名嘅就係春川蕎麥麵啦。

因為係韓國比較貧瘠嘅地方係中唔到稻米或者係小麥，但係蕎麥麵就種得好好，所以蕎麥麵係相當之普及！

江原道嘅春川蕎麥麵係冬天嘅美食之一，所以鍾意食蕎麥麵嘅朋友可以嚟春川試下啊！

9. 釜山涼拌豬腳

雖然全韓國都可以食到豬腳，但只有釜山有呢一啲特色嘅涼拌豬腳，呢款料理加入左新鮮嘅海蜇皮同埋沙律，令豬腳食起上嚟更加好食。

釜山呢度有豬腳一條街，所以啲人嚟釜山旅行嘅時候，除咗食豬肉湯飯，就一定要食涼拌豬腳啦！

10.仁川炸醬麵

炸醬麵都係韓國嘅美食之一，韓國嘅炸醬麵之所以咁出名，其實一開頭係為清朝時期嚟到韓國，掛住家鄉味道嘅人而設嘅料理。

一般嘅炸醬麵都係黑色嘅，相傳係因為整炸醬麵嘅人想節省成本所以就整出呢一個比較平嘅版本，久而久之就變成咗韓國傳統嘅國民美食啦！

唔知以上10款韓國美食，大家又食過幾多款呢？

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

其他延伸閱讀
李鍾碩Cafe將結業	白種元餐廳整理