Hello，大家好，我哋係由韓國人每日提供最新韓國旅行資訊嘅Creatrip。
私生飯（사생팬）其實係嚟自韓國流行用語，私生飯最鍾意嘅就係深入去了解藝人生活，當中會做啲令人反感甚至係匪夷所思嘅行為，好多人都唔會將佢哋視為fans，會認為佢哋所做嘅事都好過份。到底佢哋做過啲咩，會令到其他人咁憎佢哋呢？
韓國私生飯做過嘅事
1. Girls' Generation 泰妍 
喺2011年嗰陣，當時少女時代表演緊《Run Devil Run》，點知突然有個男人走上台，捉住泰妍隻手想拖走佢，好彩當時有成員Sunny同主持人吳貞泰嘅幫手，先可以逃過一劫。
2. TVXQ's 允浩
允浩一直俾人感覺好有正能量，做咩事都好有熱情，冇諗過喺2006嗰陣，有一個私生飯送一支橙汁俾佢，當時允浩諗到冇諗就飲咗，點知飲完之後身體就唔舒服。
原來支橙汁係加咗強力膠水，因為痴住咗嘴，允浩搿硬分開，令到個嘴都流哂血，好彩去到醫院洗完胃先冇事，另外佢亦都冇打算再追究私生飯。
3. 尹恩惠
尹恩惠喺1999年以歌手出道，當時表演緊嘅佢，突然有一個扮係佢fans嘅人，拎住支墨水針筒射佢隻眼，醫生都話因為會令到隻眼受損，所以叫佢留院觀察，點知尹恩惠第一個反應係話唔好告射佢眼嘅人，真係人靚，果然心都靚。
4. TVXQ's 昌珉
唔少私生飯好鍾意包車追星，有一次昌珉就俾150架的士包圍，點知就俾的士嘅車門夾到尾指而骨折，直到而家都令人印象勁深刻。
5. FTIsland
FTIsland私生飯可以話做法好偏激，佢哋除咗會偷入佢哋宿舍，偷佢哋私人物品之外。更誇張嘅係竟然有私生飯無聊到將「米田共」放喺FTIsland屋企門口。
6. EXO
一名聲稱自己係EXO fans嘅김여신（Kim Yo Shin），佢為咗可以令到EXO拎第一，佢會希望阻止B.A.P、B1A4、INFINITE佢哋成功，雖然冇具體咁講會點阻止，但呢個行為都好恐怖。
7. JYJ 金在中
金在中曾經喺某節目講過，成日有私生飯趁佢訓緊教嘅時候，偷入佢屋企，佢有試過突然扎醒嘅時候同私生飯對望，而且次數多到數唔到，另外佢仲話有私生飯仲想對佢想入非非添。
8. Twice 娜璉
有一個自稱係娜璉fans嘅德國男人，會成日喺網上問娜璉會喺邊度出現、手機號碼係咩、屋企地址等等，有時仲會去JYP公司、JYP屋企門口等，甚至佢仲會買同Twice一樣嘅機票一齊飛去接近娜璉，好彩最後俾經理人同警衛攔住咗。
私生飯所做嘅行為，永遠超乎常人所想，追星係好不過就唔應該用咁極端嘅方法，唔知大家又點睇呢啲事呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
