5首韓國「性暗示」歌曲整理
5首韓國「性暗示」歌曲整理，每日都對你想入非非，嚟我屋企唔好話畀人知？
Hello，大家好，我哋係由韓國人提供每日最新韓國資訊嘅Creatrip。
繼上次介紹完〈賤男歌〉之後，今次再為大家介紹5首〈性暗示歌〉，唔睇歌詞都唔知原來係咁露骨？大家當中又會聽過幾多首呢？
5首韓國「性暗示」歌曲
1. 2PM - My House
2PM 出過唔少主打歌，當中最hit嘅莫過於《My House》，雖然呢首歌已經出咗5年，不過直到依家都勁多人聽緊。
聽落去幾輕快，但其實歌詞當中係有性暗示，好似當中有句「去我屋企啦，唔好話俾任知人知」、「我唔係諗住做壞事，只係想同你喺柔和嘅音樂之中同你曖昧下」，後續係點就真係冇人知啦。
2. 宣美 - 24小時也不夠
其實睇歌名就已經知道係有少少暗示，歌詞主要都係講同你一齊真係24小時都唔夠，當中有一句係「我摸下你，你又摸下我，24小時 wowowo。」聰明嘅你哋，應該都估到係咩啦><。
3. BTOB - Neverland
唔知由幾時開始，BTOB對小編嚟講一直都係行緊深情路線，不過冇諗過喺佢哋咁多歌之中，竟然會搵到一首性暗示歌？
當中有好幾句歌詞係「雖然間房好大，但我哋就痴得好埋」、 「我哋每日都喺到撞嚟撞去」等等。比起話佢性暗示....其實都幾露骨。
4. NCT Dream - Drippin
唔知大家知唔知NCT其實有4個分隊呢？（NCT U、NCT 127、NCT Dream、Way V ）
小編都係因為佢哋上過綜藝而對佢哋多咗少少了解，上網搵資料嘅時候，冇諗過唔少fans都話NCT好多小淫歌，當中小編聽完真係覺得呢首最露骨，例如：「刺激嘅事本本就危險，我哋就一齊好好享受啦。」其他因為講到太白，小編就唔譯啦，有興趣嘅朋友，可以再上YouTube到聽。
5. LEESSANG - Turned off the TV
雖然依家LEESSANG已經解散咗，但小編都仲係好鍾意聽佢哋嘅歌，小編之會識佢哋係因為Gary以前有拍《Runningman》，當年佢話唔再拍小編真係喊咗好耐。
而家見到Gary同仔仔Hao一齊上《超人回來了》真係好開心，不過以前Gary寫嘅歌詞好多時都同性有關。
呢首《Turned off the TV 》當中就係最hit嘅一首「有時對住你真係會想入非非」、「咁熱做咩要閂窗簾」、「係你令到我咁X」等歌詞。
以上5首「性暗示歌」，唔知大家又有冇聽過呢？有時唔留意歌詞真係唔知係寫到咁露骨，大家又會點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk