2026香港人必去5間首爾髮型屋推薦（地址、評價、預約方法等）

Hello，大家好，我哋係由韓國人每日提供最新韓國旅行資訊嘅Creatrip。

韓國髮型屋以先進技術、客製化諮詢同走在潮流尖端等等嘅特點聞名全球，相信大家成日都會喺IG睇到唔少韓系髮型大改造嘅影片，無論係Layered Cut、韓式波浪捲、漸層挑染等等，全部都非常吸引！不過始終係一個語言唔通嘅外國地區，對外國遊客嚟講，去首爾旅行嘅時候想搵返間當地人真係會去，又可以用中文或者英文溝通嘅髮型屋，其實真係唔容易。

所以作為一個為大家提供最新美容資訊嘅小編，我同一班同事親自去咗超過20間位於弘大、聖水、江南、明洞等人氣地區嘅首爾髮型屋體驗，再整合網上評論，為大家精選出5間韓國本地人氣高、對外國遊客友善、預約流程清楚、價錢公開透明嘅髮型屋（當中仲有小編喺韓國住咁耐回訪咗幾次嘅salon！）。

無論你係第一次去首爾，想喺返香港前整個靚髮型，定係想搵到一間可以長期回訪嘅首爾髮廊，今日呢篇文章都可以幫到你！

韓國人氣髮廊攻略

點解咁多香港人會專程去韓國整頭髮？

1. 可以用更抵價錢享受更高級服務

※上述金額為2026年3月平均價錢
※價錢會根據地區、髮型師等級、頭髮長度等因素而有所不同

以上價錢通常都包高級韓國護髮、免費飲品、詳細諮詢同頭髮吹整，整體韓國價錢都平過香港，仲可以體驗到更高規格嘅服務，所以好多香港人都會趁飛韓國去整返個靚髮型！

2. 韓國髮型屋潮流敏感度高

韓國髮廊一向走在時尚尖端，唔單止因為KPOP同韓劇帶動，呢點亦同韓國本身對美容內容嘅關注度高息息相關。無論Instagram、YouTube定短片平台，新髮型、新捲度、新染髮趨勢一出，好快就會有人想試。

而因為客人對新款式接受度高、反應又快，髮型師自然要不停更新自己嘅技術同審美先可以應付得嚟。韓國髮型潮流轉得特別快，甚至去到每一季都有唔同重點，所以當地髮廊唔係等潮流成熟先跟，，亦會不斷發展出新造型同新做法。某程度上韓國髮型屋本身就係帶動潮流形成嘅開端。

3. 一般人都可以體驗到韓星造型服務

韓國髮廊另一樣幾特別嘅地方，就係唔少頂級髮型師會一邊幫藝人工作，一邊喺自己嘅salon接一般客人。如果你鍾意某位韓國藝人嘅髮型，唔止係拎相俾髮型師參考咁簡單，而係有機會由熟悉呢類風格嘅專業髮型師幫你做返接近嘅效果。

小編自己上星期就親身試過俾負責BLACKPINK MV髮型設計嘅造型師整頭髮，令小編明白到其實喺首爾呢種明星感髮型體驗冇想像中咁遙遠，亦體會到點解咁多人會專程嚟首爾整頭髮。

[블로그] 2026韓國明星髮型屋/妝髮Studio/Personal Colour中心總整理

4. 1對1個人化服務更細緻

韓國髮型屋普遍好重視進行諮詢呢個環節，整頭髮之前通常會花時間通常會先了解你嘅髮質、面型同平時打理習慣，再建議適合你、亦比較容易維持嘅款式。佢哋通常唔會一味叫你跟潮流，而係會諗嗰個髮型襯唔襯你、你平時有冇時間整理、剪完染完之後你自己打唔打理到等等，小編個人認為呢種先係真正會客人著想嘅做法。

整頭髮途中亦會一路確認長度、捲度或者顏色，完成後有時仲會教你返屋企點樣打理，例如幾日洗一次、護髮要留幾耐、平時點吹先可以維持個效果。

另外而家越嚟越多首爾髮廊都有接待外國客嘅經驗，部分仲可以提供中文同英文服務。對外國遊客嚟講，只要揀啱髮型屋，就算唔識韓文都可以輕鬆預約同諮詢。

香港人必去首爾髮型屋TOP5 

1. ONYAD HAIR_(온야드)

聖水1號店

• 地址：서울 성동구 왕십리로 66-10 2F
• 前往方法：首爾林站（서울숲역）2號出口

聖水2號店

• 地址：서울 성동구 성수일로8길 39-1 2F
• 前往方法：聖水站（성수역）1號出口

聖水3號店

• 地址：서울 성동구 연무장13길 4 4F
• 前往方法：聖水站（성수역）1號出口

如果你搵緊一間連本地人口碑好嘅髮型屋，不妨可以考慮「ONYAD HAIR」！呢度以潮流、柔和、女性化嘅韓式造型聞名，吸引唔少韓國年輕女仔去打理頭髮。

「ONYAD HAIR」同其他首爾髮型屋唔同嘅地方係佢哋嘅招牌ONSULTING諮詢服務，唔係一入到去就即刻剪頭或染色，設計師會花時間分析你嘅面形、個人膚色調、五官特徵同整體氣質，仲會瞭解你嘅生活習慣同喜好。目的唔係盲目跟潮流，而係為你度身訂做一個真係啱你外形同生活方式嘅造型。

聽落好似賣緊廣告咁，但我身邊有位去過好多次「ONYAD HAIR」整頭髮嘅同事，佢話個諮詢服務真係幾貼身。髮型師會用面形分析去決定最啱嘅髮長、分位同層次斜度。例如你係長面型，佢哋可能會建議側掃劉海同兩邊加啲蓬度去平衡比例；如果你係圓面型，佢哋會建議拉長嘅髮長同縱向層次，幫你造成修長嘅視覺效果。

之前小編都有喺IG分享過去「ONYAD HAIR」染頭髮同做頭皮SPA嘅過程，反應非常好！如果你鐘意韓國網紅嗰種精緻又自然嘅韓國風格髮型，想體驗韓式捲髮、Layered Cut等韓國女仔必整髮型，或者係唔知自己應該整咩髮型好，推薦大家可以去「ONYAD HAIR」做個人諮詢！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：建議預約朝早時段，人流會比較少！

💭ONYAD HAIR顧客真實評價

更多參考圖片&預約資訊👇🏻

[스팟] 客製化個人造型諮詢 | ONYAD HAIR（聖水1號店）

[스팟] ONYAD HAIR（聖水2號店）

[스팟] ONYAD HAIR（聖水3號店）

2. #CCONTE_(샵꽁뜨)

狎鷗亭羅德奧總店

• 地址：서울 강남구 선릉로161길 15-3 3F
• 前往方法：狎鷗亭羅德奧站（압구정로데오역）5號出口

弘大西橋店

• 地址：서울 마포구 홍익로5길 25
• 前往方法：弘大入口站（홍대입구역）9號出口

延南店

• 地址：서울 마포구 동교로 255-1 2-3F
• 前往方法：弘大入口站（홍대입구역）3號出口

講起最多香港人預約嘅首爾髮型屋，一定唔少得「#CCONTE」。佢係一間以染髮同漂髮出名嘅髮型屋，因為只會選用高級美髮產品，亦都主打無漂髮染髮療程，好多韓國女仔如果想換髮色，但又唔想成日漂咁傷頭髮嘅話都會去「#CCONTE」，早前連香港著名KOL都有去呢間髮型屋體驗同分享過！

[이미지 슬라이더]    

小編之前陪過韓國同事去「#CCONTE」延南店體驗，一次過做齊剪髮、電髮、染髮同頭髮護理療程。髮廊環境開揚，而且髮型師同其他職員都好貼心，最特別嘅係會提供零食同滋潤手膜，可以喺整頭髮同時醫肚同做手部護理。

BTW因為延南店職員識講英文，所以就算大家唔識講韓文都可以輕鬆溝通到，推薦！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：最近佢哋將總店搬咗去狎鷗亭羅德奧，所以而家除咗弘大，大家如果會去開江南、狎鷗亭附近，都可以去體驗（總店仲有提供中文諮詢表同價錢表）！

💭#CCONTE顧客真實評價

更多參考圖片&預約資訊👇🏻

[스팟] 全方位漂染專家 | #CCONTE（狎鷗亭羅德奧總店）

[스팟] 港人最愛染髮專門髮廊 | #CCONTE（弘大西橋店）

[스팟] #CCONTE（延南店）

3. THE DAY'S HAIR_{(더데이즈헤어)}

弘大店

• 地址：서울 마포구 홍익로5안길 20 2F
• 前往方法：弘大入口站（홍대입구역）9號出口

THE DAY'S HAIR GROVE店

• 地址：서울 마포구 동교로36길 15 1-2F
• 前往方法：弘大入口站（홍대입구역）3號出口

弘大係最新韓國美容潮流熱點，當中「THE DAY'S HAIR」唔單止受韓國人、香港人歡迎，連西方國家嘅遊客都會專程嚟整頭髮！呢度招牌療程係特殊染髮，透過詳細諮詢幫客人根據個人色彩同風格推薦髮色，再用高級產品染出最佳效果。

如果你上網search呢間髮型屋，就一定會見到好多人推薦弘大店首席髮型師兼老闆Dean。好多評價都講到Dean好識打理自然捲同外國捲髮，剪之前會先確認客人頭髮捲度，再配合返去剪出客人想要嘅長度同髮型，非常貼心。

[이미지 슬라이더]   

「THE DAY'S HAIR」喺弘大有兩間分店，位於弘大入口站附近嘅弘大店另一專長係男士髮型設計。因為髮型師自己都係男仔，非常瞭解最新流行男仔髮型同要注意嘅地方，由乾淨利落日常造型，到時尚設計款式都有多種選擇，如果男士們想去體驗韓國美髮，或者女士們想帶男朋友一齊去剪頭髮，推薦大家去弘大店！

而位於延南洞嘅GROVE店老闆自己有超過15年美髮經驗，更加多次於海外授課，專業度高。呢度出名做Balayage漸層染、染髮、男士及女士電髮，更加可以用中文同英文溝通！

💡小編小貼士：兩間分店都有提供頭皮SPA同頭皮護理療程，小編自己都做過超舒服XD 推薦大家去換個新髮型嘅時候順便做埋！

💭THE DAY'S HAIR顧客真實評價

更多參考圖片&預約資訊👇🏻

[스팟] 染髮&男士髮型專家 | THE DAY'S HAIR（弘大）

[스팟] 量身打造染髮&電髮 | THE DAY'S HAIR GROVE（弘大）

4. SOONSIKI HAIR_{(순시키헤어)}

弘大總店

• 地址：서울 마포구 와우산로21길 29 4F
• 前往方法：弘大入口站（홍대입구역）9號出口

弘大MOMENT店

• 地址：서울 마포구 양화로 164 8F
• 前往方法：弘大入口站（홍대입구역）8號出口

弘大韓屋店

• 地址：서울 마포구 홍익로5길 19 2F
• 前往方法：弘大入口站（홍대입구역）9號出口

聖水店

• 地址：서울 성동구 연무장3길 17 4F
• 前往方法：聖水站（성수역）94號出口

呢間Salon應該可以話係弘大一帶最出名嘅髮型屋之一，好多韓國model同明星都有去過「SOONSIKI HAIR」整頭髮。呢度擅長快速反映潮流、技術及服務品質穩定，吸引唔少人去整頭髮，亦都係Creatrip平台上髮型屋類別最多人預約嘅Salon！

「SOONSIKI HAIR」總共有四間分店，分別位於弘大同聖水，四間分店都有豐富接待外國客人經驗，所以無論去邊間都可以體驗到高質韓國髮型屋服務，而且附近就係主要商圈，整頭髮前後都可以去行街或者去Cafe休息。

小編自己就曾經去過弘大總店拍攝，當時好早就去到，但已經有好多客人開始整緊頭髮！雖然人多，但職員們都會好貼心咁照顧到每一位客人，亦都會提供飲品同小食。小編最滿意嘅一點係髮型師會根據你嘅五官、臉型同風格話你知你啱整咩髮型、要避免整咩髮型，整完頭髮之後仲會好細心教你平時要點吹同打理，對於平時唔識點打理頭髮，但又想一直keep住個髮型靚嘅人（aka小編本人）嚟講非常有用。

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：四間分店之中只有弘大總店有可以直接用英文溝通嘅職員，其他分店就需要用到翻譯機，不過一樣可以溝通自如！而家透過Creatrip預約仲可以享有最高62折優惠，記住唔好錯過！

💭SOONSIKI HAIR顧客真實評價

更多參考圖片&預約資訊👇🏻

[스팟] 最多全球顧客預約髮廊 | SOONSIKI HAIR（弘大總店）

[스팟] 最多全球顧客預約髮廊 | SOONSIKI HAIR（弘大MOMENT店）

[스팟] 最多全球顧客預約髮廊 | SOONSIKI HAIR（弘大韓屋店）

[스팟] 最多全球顧客預約髮廊 | SOONSIKI HAIR（聖水店）

5. MOSH_(모쉬)

• 地址：서울 강남구 봉은사로6길 34 2F
• 前往方法：新論峴站（신논현역 ）6號出口

[이미지 슬라이더]     

位於江南中心嘅「MOSH」係一間最擅長漂染淺色同Pastel tone髮色嘅髮型屋，染出嚟效果非常通透同輕盈，而且因為只會用L'Oréal Platinum、Sheseido等高級品牌產品，所以就算漂染幾次頭髮仍然可以keep住柔順。

小編上次同一個年輕韓國妹妹一齊去拍攝，第一個感覺係所有職員同髮型師都好nice，而且會見到佢哋同自己嘅客有講有笑，完全唔會尷尬。當時model話睇厭金髮同布甸頭，想染做珊瑚橙色，髮型師就按照佢而家嘅頭髮狀況安排漂髮、染髮同深層護髮療程，可以整到最靚顏色之餘再修護髮絲，漂完都唔會好似枯草咁。

另外一點小編好鍾意嘅係佢哋有為女性客人準備生理用品同香水、化妝品等等，以備不時之需，勁貼心！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：因為漂染需時，所以建議大家最少預留3~4個鐘頭，或者預約朝早時段就唔會影響到之後行程安排；老闆仲有同小編講話好多香港人會另外搵佢哋預約，不過而家透過Creatrip預約會抵啲㗎！

💭MOSH顧客真實評價

更多參考圖片&預約資訊👇🏻

[스팟] 專業染髮Salon | MOSH（江南店）

首爾推薦髮型屋比較表

※上述金額為2026年3月各髮型屋剪髮選項之基本價錢
※實際價錢可能會因頭髮長度、髮型師等級等而有所變動

點先可以預約到首爾髮型屋？

其實喺韓國預約髮廊，冇想像中咁複雜！推薦大家用Creatrip，直接用繁體中文同港幣就可以預約到，亦都會有專人幫你處理預約同幫你同髮型屋溝通！跟住以下呢幾個STEP就可以輕鬆預約首爾髮型屋：

STEP 1 | 按地區同想要嘅風格揀 salon

• 弘大 → 氣氛年輕，風格比較潮流
• 聖水 → 偏文青、hip 感重，亦有好多 IG 風 salon
• 狎鷗亭 → 主打高級感服務同精緻造型
• 明洞 → 地點方便，對旅客嚟講最易去

STEP 2 | 透過Creatrip預約

一般韓國髮廊多數都係經Naver Map、Instagram DM或者電話預約。但如果你唔識韓文，呢一步其實已經夠令人卻步。相比之下，透過Creatrip預約韓國髮型屋會方便好多：

✅支援繁體中文(廣東話)介面，唔需要識韓文

✅預約有保障，唔使搏Walk-in有冇位

✅最快幾分鐘就可以完成

✅價錢清楚透明，可以預先知道大概費用

✅提供限時獨家優惠

✅遇到問題有客服支援

✅可以睇到真實用戶評價

✅可免費使用Creatrip Buddy免費個人旅行小幫手服務

撳我預約韓國精選髮型屋

STEP 3 | 去之前先準備好參考相

韓國髮型師通常好重視視覺參考，所以建議你預先喺手機save定2~3張你想整嘅髮型相，Instagram截圖、明星或者KOL相都冇問題！如果想先做定功課，亦可以參考下面 blog，睇下今年流行緊咩髮型。

[블로그] 2026年人氣韓系男士髮型&韓國男士髮型屋推薦

[블로그] 2026人氣韓國女生髮型攻略 | 流行電髮、剪髮、染髮髮型及首爾髮型屋預約貼士/方法

STEP 4 | 去髮型屋體驗當日要留意嘅幾件事

1. 小心唔好影響之後行程

• 最好提早5至10分鐘到，方便確認預約同做簡單準備。
• 如果只係剪髮，通常大概 1 小時左右；但如果係染髮、漂髮或者燙髮，至少預 3 小時或以上會比較穩陣，所以記得預留足夠時間。

2. 諮詢時記住要問清楚

• 俾髮型師睇參考相時，可以順便確認：
  • 需唔需要加做其他療程
  • 有冇額外收費
  • 做完之後應該點樣打理頭髮

3. 現場一定要再確認最終收費

• 即使預約時已經睇過價錢，去到現場最終費用都有機會因為頭髮長度、髮質、設計師級別等因素而有所不同，所以最好做之前再確認一次。
• 如果你係經Creatrip預約，記得亦要留意訂金有冇喺現場付款時正確扣減。
• 另外有啲髮型屋會舉辦Creatrip評論優惠活動，如果有就記得唔好錯過！

韓國髮型屋常見問題FAQ

Q1. 韓國髮型屋有冇識講中文/英文嘅髮型師，或者有冇翻譯？

A：髮型屋通常都唔會提供翻譯服務，不過好似弘大、延南等人氣地區同觀光區嘅salon可能會有識講英文嘅職員或者髮型師。如果大家想make sure有冇提供指定語言服務，可以透過Creatrip預約，頁面上會標明！

Q2. 去首爾髮型屋之前一定要預約？

A：建議一定要預約定！部分salon可能可以walk-in，但熱門時段基本上都要預約，尤其係打算做染髮、漂髮、電髮、頭皮SPA等需時較長項目嘅話，都需要提早預約，唔可以直接去。如果想預留自己想要嘅時段，經Creatrip預約會比較穩。一般嚟講平日上午或者下午較早時段會冇咁多人，建議至少提早3-5日預約！

Q3. 男士髮型去邊間首爾髮型屋整比較好？

A：其實大部分髮型屋都可以做到男士髮型。 不過如果你想剪韓式男士流行髮型，或者想做男士專門嘅剪髮、電髮、染髮，揀男士髮型專門髮型屋會更適合。呢類髮廊通常對男士潮流造型同日常打理方式都更熟悉，會比較容易做出你想要嘅效果。👉🏻 韓國男士髮型屋推薦

Q4. 到現場之後可唔可以再加其他項目？

A：通常都可以，但要視乎髮型屋當日情況。 例如你本身只預約咗剪髮，但即場想加做電髮或者染髮，能唔能夠加就要睇當時店舖有冇空檔，同埋髮型師之後有冇其他booking。如果係比較花時間嘅項目，通常都建議一開始就預先約埋。如果可以現場加做，額外費用一般都需要即場支付，所以付款前最好再確認清楚最終價錢。

Q5. 漂髮同電髮可唔可以同一日做？

A：韓國髮型屋基本上都唔會建議同一日漂髮同電髮，特別係如果你髮質受損程度嚴重、之前已經漂過或者髮絲脆弱，通常都會叫你做其中一樣再加頭髮護理療程，以免太傷頭髮。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！