Hello，大家好，我哋係由韓國人每日提供最新韓國旅行資訊嘅Creatrip。
可能喺其他人眼中會覺得好小事，但係下面呢幾樣嘢喺韓國人心目中可以話係好大件事...！唔想踩到韓國人地雷，大家一定要記住呢幾點啦！
令韓國人周身唔聚財/介意嘅幾件事
1. 餐廳冇提供小菜或者水
喺韓國食飯，九成九餐廳都會喺你一坐低就幫你set好小菜（特別係泡菜!）同水，對韓國人嚟講可以話已經係一個約定俗成嘅文化。如果去餐廳食飯，店員冇上泡菜或者水，好多韓國人都會覺得唔自在。
2. 食完飯唔俾飲咖啡
식품음료신문
국제신문
韓國除咗係一個戀愛國之外，亦可以話係咖啡國。大家嚟過韓國都應該知道，行唔洗十步就會見到一間cafe，曾經更加有報導指出20幾歲嘅韓國人一年平均飲353杯咖啡，幾乎可以話日日都飲一杯，佢哋鍾意飲咖啡嘅程度應該遠遠超過大家想像...！
3. 約出街食一餐飯就走
同韓國人約食飯，基本上食飽之後一定會去第二間餐廳/酒吧，或者去cafe坐低飲咖啡繼續吹水。如果食完飯突然話有事要走，韓國人都會覺得有啲「掃興」。
4. 將醬直接淋落糖醋肉
유세윤 인스타그램 / 인사이트
韓國糖醋肉通常醬汁都會分開上，唔知大家平時食糖醋肉鍾意直接將啲醬倒哂落去，定係逐嚿點醬食？韓國人會將呢件事分成兩派，如果同朋友之間有分歧，可能會發生爭執添！
5. 食完鍋類唔食炒飯
만개의레시피
唔知大家有冇發現，韓國好多時只要食一鍋湯，最後都會加個炒飯？對於唔少人嚟講，炒飯先係個精華，如果唔食真係好可惜！
6. 倒酒嘅時候一堆泡
나의아저씨
韓國人除咗鍾意飲咖啡，仲好鍾意飲酒，好多人都對飲酒有一定嘅學問同執著。之前韓劇《我的大叔》入面，李善均倒酒俾IU，有一半以上都係泡，俾網友話「就算係仇人都唔會咁 」。之後李善均親自解釋，當時冇注意到呢件事及生，引嚟唔少人大笑。
7. 上網速度太慢
韓國網速有幾快，相信大家嚟韓國應該都體驗過，無論喺街、地鐵、Cafe，幾乎所有地方都有提供免費Wi-Fi。所以對咩都講求快嘅韓國人嚟講，如果網速慢佢哋就會變得好敏感，而且會好嬲。有時如果打開網頁，就算只係需要等10秒，可能佢哋都會頂唔順。
8. 搭𨋢冇得撳閂門掣
韓國好多地鐵站嘅𨋢通常都係為老人家/傷殘人士而設，因為要等佢哋有足夠時間入，好多時開門時間會比較長。所以其實就算一直撳閂門掣，好多時都唔會閂到，反而大家要再等多10-20秒左右先會閂。但係對於性子比較急嘅韓國人嚟講，雖然係一直都實施緊嘅做法，但都係會覺得唔耐煩。
9. 著住鞋入屋
브런치
韓國人習慣入屋之前會喺玄關位先換做家居拖鞋，之後先再行入屋。所以好多韓國人睇外國戲嘅時候見到外國人著住出街鞋喺屋企/酒店入面行嚟行去，或者直接坐上床，都會覺得周身唔聚財XD
10. 批評韓國/同日本比較
雖然而家韓日兩國發展、旅遊、交流都好頻繁，但係始終韓國殘酷嘅殖民歷史唔會消失，所以如果喺政治立場上偏向日本、踩低韓國、過度讚美日本，可能都會惹到韓國人嬲。順帶一提，無論係咩比賽都好，只要韓國對上日本，全韓國都會非常重視呢場比賽，輸咗嘅話仲會大鬧韓國隊！
11. 講半語
韓國社會好重視長幼有序，第一次見面通常會先問年齡，之後決定用半語定敬語。如果未問清楚或者唔熟就直接用半語，真係會令人覺得對方冇禮貌，仲會諗佢係唔係唔識社會規矩。
另外對長輩一定要用敬語溝通，而且因為有啲詞語喺敬語會完全唔同，如果講得唔好或者講錯咗，真係會俾人覺得冇禮貌。
12. 醉酒駕駛
喺韓國社會，最唔能夠被原諒嘅就係「醉酒駕駛」。公眾人物一旦被爆醉酒駕駛，基本上等於被封殺。即使之後想復出，都會被韓國電視台封殺（無線台唔會邀請曾醉酒駕駛嘅明星上節目），就算推出作品都會被貼上「酒駕犯」標籤，受到輿論攻擊。
13. 不重視群體
大家都知韓國人好重視集體文化，所以大部分人都會跟住團體一齊行動，好少會獨來獨往。雖然咁樣令韓國變得團結，但有時反而會令社會壓力更大。雖然而家大家開始重視個人獨特性，但好多時大眾方向都仲係差唔多！
14. 取笑外表
好多人對韓國人都會有眼細，或者成日做醫美，好多人都整過容等等嘅刻板影響。但其實喺韓國咁講嘅話，會俾人覺得你係人身攻擊，或者用刻板印象調侃韓國人！
15. 講嘢只講一半
呢個世界有兩樣嘢最令人覺得嬲，第一係講嘢只講一半，第二係......
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
