Hello，大家好，我哋係由韓國人每日提供最新韓國旅行資訊嘅Creatrip。

嚟到韓國一段時間，同韓國人做咗朋友，好有可能會被邀請去韓國人屋企，參加佢哋嘅喬遷宴。大家又知唔知參加韓國嘅喬遷宴，要準備啲咩禮物呢？

韓國喬遷宴禮物 

1. 紙巾

大家去韓國人嘅喬遷宴，唔需要送太費重嘅禮物，韓國人首選禮物係紙巾。韓國人相信送紙巾有好嘅寓意，新環境可以好似拉卷裝紙巾咁順（順順利利），加上紙巾喺每個屋企嘅必備品，夠晒實用。

2. 洗衣粉

另一樣韓國人成日都會送嘅喬遷禮物係洗衣粉，除咗夠實用之外，仲寓意住屋企可以好似泡泡咁發起，越搵越多。

3. 碗碟

送碗碟做禮物都係一個唔錯嘅選擇，夠晒實用又美觀。

4. 鐘

香港人一直覺得送鐘唔好意頭，但韓國人就冇呢個忌諱。大家可以送個靚靚哋嘅鐘，裝飾下朋友嘅新屋都唔錯㗎！

5. 裝飾畫

韓國人好鍾意喺屋企放啲裝飾用嘅畫，所以送畫都係個唔錯嘅選擇！

6. 盆裁

綠色嘅植物象徵健康同工作、生活順利，所以韓國人都好鍾意送植物做喬遷禮物，尤其係一啲觀賞用植物，唔需要點打理，最啱送俾朋友。

7. 酒

韓國人鍾意飲酒相信大家都知，所以送紅酒俾佢哋都係一個唔錯嘅選擇，大方又得體！

以上就係7樣韓國人喬遷宴會送嘅禮物。小編覺得大部份都係大路嘢，除咗紙巾喺香港人比較少送之外，其他都好似同香港差唔多，唔知大家又點睇呢？

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購