來源：연합뉴스Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃新冠肺炎
＃韓國新聞＃反覆感染
前幾日，韓國嘅新冠肺炎疫情本土感染新增人數降至個位數，睇落開始穩定，但呢幾日又爆出新一輪感染。
政府、防疫當局、社會大眾開始討論，目前嘅狀態同四月底類似，疫情一度緩和，露出曙光，但又再有本土感染案例（梨泰院集體感染）。
點樣減低新冠肺炎擴散嘅規模同帶嚟嘅損失，成為韓國相當重要嘅課題。
✨馬上Follow我哋IG
instagram.com/creatrip.hk
韓國新冠肺炎疫情
截止23號為止，韓國新冠肺炎累積病例達13,938例，其中297人死亡，12,758例已痊癒，仍住院、觀察、隔離中嘅有883人。
韓國23號新增感染人數達59人，本土感染案例有39宗、海外傳入20宗，韓國防疫再度拉起警報。
據了解，七月初嘅教會集體感染，因為宗教活動禁令而受控制，但由本月中起，首爾江南辦公室大樓等地再度爆發集體感染。
某V大廈相關感染者有25名，而K大廈相關確診者有13名。
另外，江西區護理中心同松坡區各有15人同4人感染。
最令防疫當局憂心嘅係，首爾地區嘅防疫措施稍有不慎，疫情就會擴大到成個首都圈，甚至全韓國。
今日，鄰國日本宣告有七百幾個新增病例，並表示疫情已經由東京擴散到全日本，呢個情況同韓國當初新冠肺炎喺大邱爆發好似。
大邱新天地教會爆發集體感染，演變成全韓國嘅災難；第二次嘅大型集體感染（梨泰院）雖然未如大邱感染潮一樣嚴重，但都延燒咗幾個月，至今仍然有餘波。
由二月開始實施維持社交距離嘅限制，有效緩和新冠肺炎喺韓國嘅傳播速度，五月放緩措施到生活防疫政策，又再度爆發集體感染。
梨泰院夜店、仁川市感染、物流中心、辦公室、宗教等等，韓國嘅疫情發展，似乎總會喺放緩嘅時候又再爆發。
七月至今，首都圈宣布防疫強化措施緩解，甚至開始討論同部分國家（台灣、越南、泰國）互通嘅觀光旅遊泡泡政策。
日前，政府宣布部分公共設施重新開放，24號18:00起，原本規定嘅宗教集會禁令亦會撤回。
中央災難安全對策本部表示，因為教會同信徒嘅理解同協助，宗教活動嘅集體感染案例大幅減少，教會防疫措施義務化（禁止宗教集會）政策會解除。
但係當局呼籲信徒集會時要做好戴口罩同維持社交距離等防疫措施。
決策一出，韓國輿論再度沸騰。
部分人認為目前韓國疫情環境唔適合解封國內政策，恐怕會重演梨泰院夜店集體感染；亦有部分人士支持，認為政府唔應該干涉宗教、集會自由。
地方自治團體可以根據地區嘅疫情狀況，自行決定集會命令係咪解封。
首爾、首都圈嘅疫情問題仍然無法鬆懈：五月初首爾夜店集體感染發生之後，擴散到大田、光州、仁川等地，令人憂慮。
疫情仲未沒有完全減緩、地區感染反覆，首都圈解封嘅話，恐怕會令疫情再次喺全韓國爆發。
高麗大學九老醫院感染內科教授表示：政府不斷放鬆政策又收緊，係想兼顧防疫同經濟活動，但病毒並唔會就住你，任何時候都會爆發。
佢表示，全韓國冇任何一個地方安全，一放假，確診者就會再次增加。
✨馬上Follow我哋IG
instagram.com/creatrip.hk
| 其他延伸閱讀 | |
 新天地康復教徒捐血 |  首爾市長身亡 |
