Hello，大家好，我哋係由韓國人話你知每日最新韓國資訊嘅Creatrip。
＃韓國新聞
＃香港國安法
韓國Naver今日（20號）表示，將存放用戶個人資訊數據備份嘅地區，由香港更改為新加坡。
✨馬上Follow我哋IG
instagram.com/creatrip.hk
NAVER撤走香港備份中心
Naver會喺春川數據中心等地保管用戶資料，考慮到有機發生意外、流失資料，Naver亦有喺其他國家、地區營運備份中心。
綜合海外備份地區嘅各種情況，加上港版國安法通過，Naver決定更改備份存放地區。
原有嘅香港地區備份數據，已經喺本月初全數刪除，伺服器亦已經格式化。
春川數據中心（來源：연합뉴스）
Naver方解釋：如果只喺有限嘅地區保管數據，原有備份數據可能會流失。
所以，全球性嘅IT產業唔會只係喺本國發展，而要喺海外備份。
數據備份地點由香港改為新加坡，同中國政府通過加強審查權限嘅香港《國家保安法》（港版國安法／香港保安法）有關。
本身香港數據中心嘅資料，亦唔係Naver所有數據，只係喺緊急狀況下可以最小限度恢復嘅備份。
Naver表示，目前為止都冇洩漏任何個人訊息，已刪除嘅數據亦由Naver香港分公司直接管理，並冇向外提供相關數據，訊息亦冇擅自流出。
Naver仲補充，喺國內外備份嘅數據，個人訊息數據會用超過國內法例要求嘅方法強力加密，外部第三者絕對冇可能查到。
✨馬上Follow我哋IG
instagram.com/creatrip.hk
| 其他延伸閱讀 | |
 反港國安法記者會 |  抖音封鎖韓藝人 |
