仁川「朝陽紡織」介紹
仁川江華島必去「朝陽紡織Cafe」!舊工廠打造復古打卡勝地,老闆私藏古董任你影!
Miran@Creatrip
4 years ago
Hello,大家好,我哋係由韓國人每日提供最新韓國旅行資訊嘅Creatrip。
韓國仁川江華島有一間必去嘅打卡Cafe —— 朝陽紡織,每個韓國人嚟到江華島旅行,一定唔少得去呢度影相,小編去完覺得絕對值得一去!一齊睇下啦!
朝陽紡織
朝陽紡織原身係一間紡織廠,1933年建成,係江華島第一間紡織廠,2018年Cafe老闆租咗呢間廢棄嘅工廠,整成一間打間Cafe,仲放滿佢個人嘅收藏品。
可惜小編去嘅時候,天公不造美,落雨,好多室外嘅地方都影唔到相。
大家一入門口就先見到一張舊嘅紡織工作枱,加上照明真係好特別,穿過呢一個位,就會經過一個空地。空地上放咗一架舊嘅巴士,大家可以上去打卡。
之後大家可以行入下一間平房。
入面放滿咗各樣古董。
朝陽紡織佔地好大,由幾間平房同埋一大平空地組成。
入去放咗一架超古舊嘅「木馬」,用鐵通整成,仲郁得。不過小編驚自己太重,唔敢真係坐上去。
1973年嘅雜誌廣告!當時一席結婚酒席要₩100。
之後小編就去咗「朝陽紡織」嘅重頭戲,Cafe啦!呢間Cafe仲係2019年NU'EST演唱會VCR嘅拍攝地添。
飲品價格比平時嘅Cafe貴少少,不過入到去可以影返兩個鐘頭相補數。
另外大家要留意,Cafe限定最低消費係一人一杯飲品。
大家可以騎上木馬打卡!
熱門文章