Hello，大家好，我哋係由韓國人話你知每日最新韓國資訊嘅Creatrip。
#韓國美食 #韓國小食
#冷凍咗之後原來可以咁好食?
#下次嚟韓國又有新食法
每次大家嚟到韓國都必買嘅零食，大家有冇諗過將佢雪凍再食呢？
韓國人極推新奇食法，大家不妨都參考吓，話唔定會食到新滋味！
✨馬上Follow我哋IG
instagram.com/creatrip.hk
雪凍咗之後會更加好飲同食嘅韓國小食
1. 香蕉奶
SSG
第一個要介紹嘅當然係大家嚟到韓國都必定會飲嘅國民香蕉奶啦！
小編之前試過雪到冰哂飲，真係比平時就咁飲更加好味，口感質地滑到好似食緊雪糕咁，而且好甜，香蕉味亦都好重。
Newsnack除咗香蕉奶之外，大家亦都可以試吓唔同味去比較，話唔定其他味都會幾好飲~
2. 益力多
SSG
平時就咁飲就飲得多，但大家又有冇試過雪到冰哂再飲呢？
小編聽韓國朋友講，只要雪凍佢，飲嘅時候會有種刺激感。
SSG
韓國益力多好平，15支都只係3000won （大約HKD 19），每次去超市，小編都會見到韓國人大量咁買。
1집
라이벌뉴스
비즈니스워치
大家可能冇諗過...韓國人有幾鍾意飲益力多。
佢哋熱愛益力多嘅程度，係出咗好多關於益力多嘅食品同飲品。
3. 桃汁
티몬
唔知大家對呢個牌子，會唔會有啲印象喺邊度見過呢？
佢就係大家成日會去食三清洞摩西年糕鍋，入面成日見到嘅桃汁啦！
只要食辣嘢嘅時候，好多韓國人都會第一時間諗起佢，因為佢真係好解辣！
韓國人好鍾意將佢雪到冰哂，用匙羹大大啖咁𢳂嚟食。
4. 朱古力批
SSG
講完咁多飲品，食方面我哋又點可以錯過呢？
同樣地係大家嚟到韓國必買嘅朱古力批，唔少韓國人都鍾意將佢叮熱或者雪凍再食。
特別係雪凍咗之後，中間個層棉花糖會好似變咗雪糕咁，食落去會有好煙韌嘅口感。
5. 朱古力威化條
SSG
每次小編朋友嚟韓國玩，佢都會掃好多盒返香港，佢甚至話係韓國最好食嘅零食之一。
韓國人好鍾意雪凍佢嚟食，因為佢哋覺得雪凍咗之後，唔會掉咁多碎，而且會更加脆。
就連呢個牌子製造廠都話，比起普通就咁食，更加推薦大家雪凍佢再食！
6. Maxim咖啡
曾經有一段時期，韓國人真係好鍾意將佢雪到冰哂，再成支咁飲。
一支份量啱啱好，唔會太甜亦唔會太苦，同時比起其他咖啡牌子，韓國人最推Maxim。
大家下次嚟到韓國，不妨都試吓買以上幾款食物試吓雪凍食或飲，話唔定會搵到新口感！
或者大家又有冇啲咩新或獨特食法，都可以話畀我哋知。
✨馬上Follow我哋IG
instagram.com/creatrip.hk
| 其他延伸閱讀 | |
 韓國爆笑韓文名 |  韓國生活嘅優點 |
