Hello，大家好，我哋係由韓國人話你知每日最新韓國資訊嘅Creatrip。
＃首爾市長＃死亡
＃失蹤＃最新速報
尋日（9號）下晝，首爾市長女兒報警指，市長朴元淳喺屋企留底類似遺言嘅字句後外出，手機隨後熄機，聯絡唔到佢。
經警方搜索後，今日（10號）凌晨搵到市長嘅遺體。
✨馬上Follow我哋IG
instagram.com/creatrip.hk
首爾市長死亡
經報案受理後，首爾警方派出七百個人力搜索。
佢哋喺市長手機訊號發出號最後地點：首爾市城北區山區搜索後，終於喺北岳山臥龍公園肅靖門附近，搵到首爾市長嘅遺體。
首爾市長喺星期四朝早表示要取消午後行程，連星期五行程亦都取消；而首爾市長嘅SNS亦已設為非公開狀態。
韓國媒體推測首爾市長朴元淳係自殺身亡，但詳細資訊尚未公開。
市長遺體已經移送到首爾大醫院，並喺首爾大醫院殯儀館設靈。
SBS News
首爾市副市長徐正協將出任首尔市代理市长，佢表示自己會跟隨已故朴市長嘅市政哲學，以首爾市嘅安全同福祉為優先。
據韓媒報導，已故朴市長近日被控性騷擾前秘書，但未知同佢身亡一事有冇關係。
不過，據韓國《檢察案件事務規則》第69條規定，因接受調查嘅嫌疑人身亡，案件會以「無公訴權」為由不獲處理。
✨馬上Follow我哋IG
instagram.com/creatrip.hk
| 其他延伸閱讀 | |
 韓國隔離費用漲 |  韓國執笠食肆急增 |
