來源：뉴스핌
Hello，大家好，我哋係由韓國人話你知每日最新韓國資訊嘅Creatrip。
＃韓國新聞
＃華城連續殺人＃破案
韓國一宗34年以嚟都無人破案嘅「華城連環殺人案」，先前捉到疑犯，重啟調查程序，南韓警方終於宣佈華城連續殺人案破案。
✨馬上Follow我哋IG
instagram.com/creatrip.hk
華城連環殺人案破案
由1986年第一單華城殺人案發生，到1991年五年間，一共有十宗殺人案。
被害者都係手無縛雞之力嘅女性，受到性侵後被殺害，下體被損毀、塞入異物。
10個被害女性，就只有一位倖存。
警察廳長（來源：연합뉴스）
舊年七月，南韓警方喺證物上，檢測出微量DNA，同涉嫌殺害姨仔，現正喺釜山監獄服刑嘅李春在（이춘재）DNA符合，於是決定重新開始調查。
李春在亦喺釜山監獄同犯罪心理分析師面談期間，坦承自己曾經殺人、強姦同強盜。
警察廳長指，李春在退伍之後，生活無聊單調，承受喺壓力越嚟越大。
為咗搵返失去咗嘅主導權，佢選擇犯案。
李春在喺1986年至1991年間，喺華城、水原、清州等地，犯下14單殺人案，同埋30幾宗強姦等性犯罪。
同時，警方亦對被誤判為第8個死者嘅加害者，蒙受20年冤獄嘅尹某（53歲）道歉。
據了解，1988年9月16號，李春在犯下第八宗華城殺人案，尹某當時被誣陷係兇手，一審被判無期徒刑，之後減刑，2009年8月出獄。
當時參與調查嘅警察，有冇濫用職權、隱暪真相等問題，目前亦已交由檢察院調查。
來源：연합뉴스不過，呢單案嘅公訴期已過，實際上好難有任何懲罰。
目前喺南韓，已冇任何一條法律可為李春在定罪。
1991年4月，李春在最後一次殺人嘅屍體被發現，至今已經過咗15年公訴期。
雖然2015年個陣，殺人罪有公訴年限嘅法律被廢除，但李春在有關嘅所有案件都係喺廢除法律前發生，並唔適用。
✨馬上Follow我哋IG
instagram.com/creatrip.hk
| 其他延伸閱讀 | |
 韓國疫情現況 |  南韓史上重大災難 |
