韓國迷信文化
韓國人都會迷信！邊啲數字唔用得？每到X歲就會超唔好運？韓國人嘅迷信文化
Hello，大家好，我哋係由韓國人話你知每日最新韓國資訊嘅Creatrip。
#迷信 #韓國文化
#信則有不信則無
每個國家都會有自己嘅小習俗/迷信，相信做某啲嘢會帶嚟好運，但有啲嘢就絕對唔做得。
今日就等小編帶大家嚟下韓國有咩迷信啦～有啲同香港人嘅習慣都幾似㗎！
✨馬上Follow我哋IG
instagram.com/creatrip.hk
考試唔可以食海帶湯
韓國人覺得喺考試前唔可以食海帶湯，如果唔係就好容易肥佬。
因為海帶表面滑潺潺，有會跣底、跌到嘅感覺，喺考試嚟講，就相當唔吉利。
當然，呢一點冇咩科學根據，但已經成為一種習慣，韓國人考試前一定唔會食海帶湯。
唔可以將匙羹插入飯碗
韓國人平時絕對唔會將匙羹插入飯碗。
因為佢哋只有喺拜祖先個陣先會咁做，匙羹插入飯碗就係畀祖先食嘅飯咁解。
就好似香港食飯插對筷子落碗咁，唔係咁吉利。大家記得嚟韓國唔好咁做啦。
雞翼同出軌
韓國人覺得食得多雞翼會出軌。
因為食得多雞翼就好似有對翼咁飛走（？），就好易分手，甚至出軌。
所以一對情侶去食炸雞，都唔會食雞翼。
（小編：好浪費，明明雞翼最好食）
唔好坐枱嘅四角
韓國人相信食飯坐喺枱嘅四角，會令好運消失。
而且，坐喺四角食飯又真係唔係咁方便。
加上，韓國有個傳說話枱嘅四角會有「惡靈」，所以坐喺四角就會唔好運。
四＝死亡
呢一點同香港一樣，因為韓國嘅呢一個迷信都係由中國傳嚟。
未有韓文字之前，韓國都係用漢字，所以四＝死。
韓國有啲建築嘅4樓會用F代替。
幸運數字 7
好多韓國人都相信7係一個幸運數字，仲有個「칠진만보（七珍萬寶）」嘅詞， 用嚟形容啲好珍貴嘅物品。
不幸數字 9
有幸運數字就梗係用不幸數字。
韓國人相信「9」有唔完整嘅意思。
佢哋相信每到「9」字尾嘅年齡，嗰一年都會超唔好彩。
今日為大家介紹嘅小迷信，大家覺得點呢？
其實小編覺得好多時迷信都係「信則有，不信則無」。
我哋下次再見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國洗手間文化 |  韓國巫教文化 |