韓國疫情現況
韓國疫情現況？教會、物流中心再爆集體感染，海外傳入案例增加...韓國防疫陷困境？
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃韓國病例數＃零星感染
截至06月27號為止，韓國新冠肺炎總病例數達到12,653例。
同四月底，韓國疫情一度緩和，日新增病例數只係喺10人以下個陣相比，近期韓國新增病例數達30例至50例左右，疫情仲未受控。
✨馬上Follow我哋IG
instagram.com/creatrip.hk
韓國防疫近況
來源：news1
四月底，韓國每日新增病例都喺10例以下，大邱等重災區更試過零新增確診者，韓國獲視為疫情控制得當嘅國家。
可惜嘅係，經過近兩個月嘅大量篩檢同隔離，以為見到曙光個陣，就爆出梨泰院夜店集體感染。
夜店係一個相當迫又封閉嘅環境，無辦法維持社交距離，加上夜店唔容易記錄客人資訊，當局難以調查，感染潮亦由首爾擴散到京畿道、仁川一帶。
當時，防疫當局公開表示，梨泰院夜店嘅感染範圍恐惜會超越新天地教會嘅氣體感染，令韓國疫情再次拉起警報。
點樣挽回頹勢？
來源：한국경제
社會大眾將夜店感染者歸類為「同志」等性少數族群，令有潛在風險嘅人唔願意接受檢驗，或者確診後隱暪自己去過邊。
仁川市就有一個確診者隱暪自己去過夜店，令疲情擴散，最終政府決定向佢提告（相關新聞）。
來源：연합뉴스
因此，首爾市長同京畿道知事宣布推動匿名篩檢，以保障被檢驗者嘅私隱，先令首爾、京畿道、仁川等首都圈疫情受到初步控制。
不過，當時冇人諗到，疫情已經擴散，而且傳播嘅速度比想像中更快。
首都圈集體感染
由梨泰院夜店感染，擴散到首都圈各地嘅零星感染，已確定至少有第七代傳染出現。
防疫當局表示，只要感染鏈多一層，疫情調查時又隱瞞嘅話，實際感染者恐怕會更多，唔可以睇少疫情擴散嘅威力。
近兩個月嚟，仁川、物流中心（日前e-mart委託嘅物流中心都爆發集體感染）、傳呼中心、業務中心等持續發生集體感染，甚至擴散到除首都圈以外嘅城市。
來源：연합뉴스
雖然新增病例數量並未如防疫中心估計，超越新天地教會感染案，但持續嘅集體感染，係韓國嘅隱憂。
尤其係喺首爾、京畿道等人口密集、流動率高嘅城市，只要有任何一次疏忽，韓國嘅新冠肺炎疫情恐怕會有比新天地教會集體感染更恐怖嘅擴散事件。
韓國防疫下一步？
喺集體感染嘅趨勢冇減弱嘅情況下，韓國喺27號嘅新增病例數量，再次突破50人（包含海外傳入20例）。
今次集體感染入面，最令人感到憂心嘅係首爾冠岳區，王聖教會（왕성 교회）嘅集體感染。
據了解，呢間教會嘅信徒高達一千七百幾人，確診者包括高中老師同餐廳職員，大家都好擔心呢次嘅感染規模會再次擴大。
來源：한국일보
除此之外，境外傳入嘅案例亦持續增加。
目前韓國對所有入境者都會實行居家隔離14日嘅措施，冇發生海外傳入確診者再傳染畀其他人嘅案例。
防疫當局同時面對本土連鎖感染，同埋境外傳入案例嘅雙重困境，需要小心迎戰。
✨馬上Follow我哋IG
instagram.com/creatrip.hk
| 其他延伸閱讀 | |
 韓國病例數破萬 |  韓國獵巫風氣 |