美貌10年不變女韓星
正所謂：女大十八變，但點解呢幾位女韓星好似食咗防腐劑，十年嚟一啲都冇變....
Hello，大家好，我哋係由韓國人話你知每日最新韓國資訊嘅Creatrip。
#韓星 #女韓星 #好靚
#女大十八變 #女神
正所謂：「女大十八變」，但點解呢幾位女韓星好似食咗防腐劑，一啲都冇變。」
小編完全係超羨慕，真係好想知佢哋有咩秘訣@@..
到底有邊幾位韓星，咁就要繼續睇落去啦！
✨馬上Follow我哋IG
instagram.com/creatrip.hk
美貌10年不變女韓星
1. 宋智孝
한국경제
首先第一個要介紹嘅一定係小編女神宋智孝啦！
小編由一開始佢拍〈宮〉嘅時候，已經覺得佢好靚。
甚至直到依家都拍緊嘅〈Runningman〉，小編都會由頭追到落尾，集集都會睇。
중도일보
大家可以睇下宋智孝以前中學時候嘅相，完全係大美人。
直到依家個樣好似都冇變過咁，仲係一樣咁靚！
아시아경제
拍〈Runningman〉嘅時候，因為佢太靚，而得過「美貌罪」添！
2. 李英愛
여성신문
講到李英愛，相信大家一定諗起我哋嘅「大長今」。
小編當時仲讀緊小學（自爆哈哈），每日返學都同同學講劇情，諗起都覺得好懷念。
當時：「看風箏飛多遠未斷線，看一生萬里路路遙漫漫～」，相信大家都識唱。
조선일보
但唔睇唔知，原來播〈大長今〉嗰陣，已經過咗17年....
〈大長今〉 可以話係當時韓流嘅起點，好多人睇完都愛上韓國。
雖然依家好少見到李英愛喺幕前，不過佢嘅美貌，直到依家都好多人仰慕，甚至佢有「氧氣美女」之稱。
3. 韓智旼
如果講到最有愛心同熱衷於社會服務活動嘅女韓星，小編第一個會諗到韓志旼。
每年都積極參與各項慈善募款活動，直到依家都從未間斷。
디시인사이트
同樣都係拍過〈大長今〉嘅佢，可以話外表一啲都冇變。
佢到依家都仲係畀人一種和藹可親嘅感覺，同時多咗份女人味。
4. 孫藝珍
티스토리
喺早排有睇〈愛的迫降〉嘅請舉手！
小編當時集集都死守直播，望住佢同玄彬真係好想佢哋現實都一齊，完全係男才女貌，超襯！
에펨코리아
玄彬望住孫藝珍嘅時候，大家都feel唔feel到好有愛呢？
인스티즈
雖然孫藝珍今年已經38歲，但睇落去一啲都唔似。
除咗秀智之外，孫藝珍都係唔少韓國男仔心目中嘅「國民初戀」。
5. 全智賢
인사이트小編對全智賢最印象深刻，應該係佢當年拍嘅〈我的野蠻女友〉。
呢套電影可以話當年最hit嘅電影，I Believe一曲更係街知巷聞。
佢雖然已經做咗人妻，仲有兩個小朋友，但做依然仲係咁靚，好似一啲都冇變過咁。
唔知大家之前有冇睇屍戰朝鮮2呢？
雖然第二季只係做客串角色，但係嚟緊第三季，佢將會做主演，小編一聽到呢個消息已經好期待！
6. 河智苑
연합뉴스
大家知唔知，河智苑有變色龍之稱呢？
其實一開始拍劇嘅時候，佢係以惡女角色出道，係去到後期先慢慢演純情角色。
小編對佢最印象深刻，應該就係佢同玄彬一齊拍嘅〈秘密花園〉。
인스티즈
直到依家唔少綜藝，仲會播佢哋嘅泡沫之吻戲，唔少人都覺得好浪漫。
無論係依家定之前，佢嘅外表都仲係一啲都冇變。
小編真係好期待之後佢嘅演出。
7. 宋慧喬
머니투데이
宋慧喬可以話同過唔少男神合作過，每次合作都拎到唔少獎。
宋慧喬依家回復單身，一樣咁有魅力。
오마이뉴스
小編當時第一次睇佢嘅戲，就係當年〈藍色生死戀〉，每一集都好催淚。
依家睇返當年劇照，喬妹真係連喊都靚過人，而且個樣仲係咁索。
8. 金泰希
뷰어스
「國民女神」金泰希，唔單止樣令身材正，讀書更係唔講講得笑。
佢學生時期成績優異，畢業於首爾大學，同時係演藝圈內，少數擁有高學歷，而且非戲劇科班出身嘅演員之一。
서울시문
當年佢拍嘅電視劇加廣告，每一個都係觀衆所熟悉嘅經典廣告。
今年佢再度出現電視劇，〈Hi Bye, Mama!〉每一集都好感動，唔知大家又有冇追呢？
無論係以前定依家，佢一樣都仲係咁有魅力，難怪係韓國幾乎所有男人都鍾意嘅理想對象。
以上8位女韓星，無論係依家定係以前，仲一樣咁有魅力同迷人。
小編都好期待之後佢哋嘅作品，唔知大家仲諗唔諗到邊位美貌10年不變嘅女韓星呢？歡迎大家留言話比小編聽！
✨馬上Follow我哋IG
instagram.com/creatrip.hk
其他延伸閱讀 | |
 打機高手女韓星 |  酒量極高男韓星 |