Hello，大家好，我哋係由韓國人話你知每日最新韓國資訊嘅Creatrip。
＃德魯納酒店
＃首爾展覽＃江南
由6月6號起，為期4個月嘅《德魯納酒店》展覽正式開張。
大家喺呢度可以見到劇中場景，影出靚相。
除咗一般展覽外，大家仲可以租一套復古服裝，等你由服裝開始，完完全全穿越到滿月嘅時空。
✨馬上Follow我哋IG
instagram.com/creatrip.hk
德魯納酒店展覽
호텔 델루나 전시회
- 日期&時間：2020年06月06號至10月04號11:00至19:00
- 地址：서울 강남구 봉은사로 120
- 票價：成人₩15,000；學生₩12,000；兒童₩10,000；36個月以下幼兒免費
入口右手邊可以買飛，大家都可以事先喺網上買，價格會比現場平少少。
一入門就見到滿月社長提你「要將口罩帶好」，保持社交距離。
呢個場景係咪好熟悉呢？
呢度重現咗燦星同麻姑神比圍棋嘅場面，同埋燦星同滿月寫切結書嘅場景。
相當熟悉嘅大廳，好似見到賢仲嘅身影，哈哈！
呢度咁多個場景，都係將《德魯納酒店》嘅經典地點重現。
小編本身超鍾意呢套戲，嚟到呢度再次陷入當初德魯納嘅感動（腦入面OST響起）。
戲入面最神秘嘅13號房都喺展覽入面公開。
小編去完真心覺得恐怖⋯⋯夠膽嘅朋友一定要入去睇下。
小編仲同衣櫃入面嘅「朋友」對望，真係嚇親。
另外，小編推薦大家一定要入去滿月社長嘅Office。
大家可以坐喺滿月張凳上面打卡，好似真係做咗酒店嘅社長咁。
牆上面仲掛咗各個時期滿月嘅相，IU真係好啱各種造型。
戲入面好重要嘅月靈樹都重現喺展覽入面。
呢度會一直播放好多經典片段，大家只要企喺地板上貼住SOUND ZONE嘅地方，就可以聽到對應嘅影片聲音。
過咗三途川展場，都係比較偏向幕後製作過程。
一套好嘅電視劇背後都要有一班好嘅製作團隊。
呢個展覽就戲嘅製作過程show畀大家睇，但比較可惜嘅係，佢只有韓文解釋。
呢度係《德魯納酒店》製作組嘅Office。
呢度展示咗好多製作過程，例如分鏡、特效、仲有酒店設計平面圖。
點少得套劇一播就引起討論嘅服裝呢？
大家都一定都好好奇滿月社長嘅造型服裝喺點諗出嚟。
展覽入面放咗服裝設計圖，其他職員嘅戲服更可以近距離親眼見到添！
紀念品店嘅商品多樣設計亦非常精美，小編自己都買咗幾張明信片。
戲入面成日出現嘅鎖匙，大家都可以買返屋企。
最後就係小編一開始提到嘅租衫店，想體驗開化期復古服飾嘅朋友，可以喺入場前嚟呢度租衫，換完再入場。
款式多樣，仲有相畀大家參考。
入到展覽一定可以影到好多呃like相。
價錢方面，租兩個鐘價格₩20,000（票根優惠價₩15,000）；租三個鐘價格₩25,000（票根優惠價₩20,000）。
小編覺得《德魯納酒店》展覽佈置得相當靚，幾乎完整重現咗劇入面巳經典場景。
展覽開到十月，希望到時疫情已經減緩，各位都可以嚟《德魯納酒店》展覽啦！
10年不變女韓星
梨泰院韓劇踩點
