Hello，大家好，我哋係由韓國人話你知每日最新韓國資訊嘅Creatrip。
＃韓國＃星巴克＃Starbucks
#Starbucks文化＃探討
全球超過75個有Starbucks嘅國家入面，韓國Starbucks數量排名第5。
論城市嚟講，首爾嘅Starbucks數量係全世界所有城市入面最多。
喺韓國Cafe盛行嘅文化下，韓國Starbucks係點樣突出重圍，成功佔有咁大市場率㗎呢？
✨馬上Follow我哋IG
instagram.com/creatrip.hk
韓國Starbucks限量商品
韓國Starbucks有好多活動，以季節為單位進行。
喺某一季向高頻率消費嘅顧客提供限量商品，有啲似超市「儲印花」換煲嘅概念。
韓國Starbucks嘅「儲印花」換禮物嘅宣傳方式擴至全韓國，送畀成日消費嘅會員一啲一般人買唔到嘅特殊商品。
JTBC報導，2017年，首爾汝矣島某間Starbucks顧客，為咗拎到限量版禮物，消費指定咖啡數量先有嘅手袋，竟然一次過買咗300杯咖啡。
不過呢名顧客買咗300杯咖啡後，只拎咗一杯走，淨底299杯都留喺店入面免費派。
不過，店員就話，呢啲咖啡幾乎冇人嚟要，最後只好掉晒。
為咗拎到呢個Starbucks夏季包款，顧客要消費至少₩65,000。
當時，呢個袋喺網上轉手售出嘅價錢高達₩100,000，相當暴利，難怪會有人做出咁瘋狂嘅行為。
韓國Starbucks營業額
韓國Starbucks嘅營業額如何呢？
由上圖表得知，2015年起韓國Starbucks分店數量大幅上升。
1999年到依家，每年嘅營業額拎續創新高，2016年突破1兆韓元，2019年更有1.9兆韓元。
另外，韓國全境Starbucks數量超過1千4百間，淨係首爾就超過5百間。
由於韓國Starbucks係韓國總部直接營運，喺製作周邊上投入相當大嘅精力。
除咗一般Starbucks自家製嘅周邊外，佢哋都同好多大型品牌聯名，吸引更多人買。
每年年尾出爐嘅planner，更係韓國人年年都會不惜消費換購嘅商品，大幅增加嗰年嘅營業額。
韓國Starbucks員工認為，韓國人之所以鍾意Starbucks周邊，主要原因係因為產品符合韓國人口味、可愛、溫和且大眾化嘅設計。
全世界75個有Starbucks嘅國家，就只有美國同韓國Starbucks擁有自己嘅設計團隊。
線上落單同付款
喺美國、加拿大同韓國Starbucks，可以做到唔需要開聲就可以落單。
原先呢個系統係韓國星巴克最早開始用，稱之為「Siren Order」，成立唔夠一個月，得到星巴克執行長贊許，並逐步擴展呢個系統到世界各地。
韓國限定Starbucks商品
其實唔只韓國，世界各地嘅Starbucks都會按照族群唔同，設計唔同嘅Menu，而韓國Starbucks除咗口味革新，喺外觀上都唔輸一般打卡Cafe。
例如喺2019年，韓國Starbucks推出過一款以利川大米做原料嘅飲品，同韓國當地特色製品連結，夠晒特別。
韓國Starbucks今年都同BTS聯名，推出咗一系列周邊同食物，造成相當大嘅轟動。
韓國Starbucks仲會針對特定地區制定限量版Menu，例如喺濟州島先可以似到黑芝麻鮮奶咖啡，綠茶Tiramisu等等。
因為喺首爾買唔到，旅客（即使係韓國人）去濟州島旅遊個陣，一定會想去試。
小編舊年去濟州島個陣，都刻意去咗濟州島流Starbucks食佢哋嘅特色Menu，全部都係濟州島先食到。
韓國Starbucks喺各地區嘅Marketing上面，非常用心。
即使全韓國嘅Cafe，加埋有好幾萬間，但Starbucks仍然屹立不倒，喺龐大嘅韓國Cafe市場入面，交出比其他國家更亮眼嘅成績表。
下次嚟韓國嘅時候，不妨試下韓國先有嘅特色飲品啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國Cafe文化 |  韓國料理辣度 |
