韓國「動物」解夢
夢見好多蛇即係要小心身邊人？韓國動物解夢意思！
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時發完夢之後，會唔會都去搵周公解夢呢？今日想同大家分享吓，如果韓國人夢到動物，到底係有咩意思，如果之前大家有夢過又覺得準唔準呢？
韓國夢到唔同動物嘅意思
1. 夢見狗
naver x dispatch
夢見攬住或者摸緊隻狗
如果你係一位員工，代表你可能會遇到困難；如果你係老闆，可能會有員工犯錯或者出現意外。
夢見俾狗咬
意味住可能會有啲人會攻擊或打擊你，呢個係一個警告，大家要小心啲。
youtube @yep4andy
夢見狗離家出走
呢個係一個好恐怖嘅夢，因為如果夢到狗離家出走，即係財產都會跟住消失…
夢見食狗肉
呢個夢係話俾你知你而家努力緊嘅，同你付出嘅結果未必會成對比，不過都唔好太失望，相信總有一日會俾人見到你嘅努力。
夢見狗仔生BB
如果夢到狗仔生BB，真係要恭喜大家！即係你嚟緊會好好運而且會收到好多錢，當然夢中越多狗仔，收穫就越多！小編今晚都好想發返個！
夢見狗用腳挖土
呢個都係一個好夢！即係代表嚟緊會有一個貴人會幫你手做任何事。
夢見狗不停吠
如果你有啲事覺得好難或者好攰，夢到狗仔不停吠，即係代表呢啲煩事都好快解決。
2.夢見蛇
we heart it
夢見俾蛇咬
如果你夢見俾蛇咬，即係嚟緊你會收到一筆錢，而且仲有貴人會出嚟幫你。
夢見殺咗一條蛇
呢個夢係解釋有啲阻住你工作嘅嘢全部都會消失，或者係你即將會簽到一份合約或者賺到大錢。
bts official
夢見好多蛇聚埋一齊
呢個夢係預示你將來嘅小朋友會成為一位老師，或者係擁有超高學歷！
夢見好多蛇
雖然都係一樣夢到好多蛇，但呢個相對嚟講唔係一個好夢，因為呢個夢係代表你要小心身邊嘅人，特別係異性，可能你哋之間會發生一啲爭執或者誤會。
3. 夢見牛
夢見一隻牛嚟屋企
如果隻牛越大，運氣就會越好！可能會有二想不到嘅財富，但對於已婚人士嚟講，可能係代表你將來嘅小朋友係一位誠實而且可靠嘅人，會幫助屋企做好多事。
夢見牛生BB
夢見牛生BB都係一件好事！即係你嚟緊會有好事發生，可能佢有好大嘅成就感或者賺到好多錢！
夢見牛擋路
如果夢見牛阻住你行路，即係你而家做緊呢份工未必好啱你，應該要重新計劃吓將來點算。
夢見殺牛再食
夢見殺完隻牛再食嘅話即係你做緊嘅事會獲得獎勵，或者會有成功同得到利潤等。
4. 夢見兔仔
夢見兔仔食緊草
夢見兔仔食緊草即係一啲困難嘅事即將解決，你嘅生活即將會回復返平靜。
夢見兔仔被困喺陷阱入面
證明你而家做緊一啲你唔想做嘅嘢，但係你冇辦法或者停止唔做。
夢見兔仔俾野獸追
呢個夢係話你最近過得都唔係幾開心，你嘅另一半嘅心可能都變緊。
5. 夢見豬
夢見豬入屋
夢見豬入屋即係一個好意頭！證明你最近財運都比較旺盛，可能你嚟緊會有一個新嘅任務俾你，或者係考慮買緊樓。
夢見受咗傷嘅豬
呢個夢可能有啲事會令你唔開心或者有麻煩，最好要小心身邊嘅人。
夢見攬住一隻豬
攬緊一隻豬即係證明你嚟緊會發達，前路都唔需要太擔心！
6. 夢見貓
kstar boo
夢見殺貓
雖然呢一個夢好殘忍，不過即係代表一啲好煩嘅事即將會解決。
夢見遇到貓
夢見一隻貓即係你而家做緊嘅事會獲得成功，或者如果你搵緊工會有好消息！
韓國仲有好多同動物有關嘅夢，小編未寫晒出嚟，唔知大家之前有冇夢過邊啲動物呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk