夏日消暑美食
熱到冇胃口？韓國人夏天必食消暑美食大盤點！冷麵都有好幾種，你又食過邊種呢？
Hello，大家好，我哋係由韓國人每日提供最新韓國旅行資訊嘅Creatrip。
嚟到韓國，提起消暑夏日美食，十個有九個都一定會答「冷麵」，不過除咗冷麵之外，夏日消暑韓國料理仲有好多款，甚至冷麵之下仲可以再細分幾種！夏日炎炎，冇咩胃口嗰陣，就試下呢啲夏日美食啦！
韓國夏日消暑美食
1. 冷麵
其實冷麵有分好多種，根據地方同麵類食材唔同，會有唔同名，不過冷麵一定會有灰白色嘅麵，配半隻蛋、少少蔬菜同凍湯（有啲仲會有冰），所根據個人口味加醋、黃芥末。喺炎熱嘅天氣，食一碗冷麵，感覺透心涼嘅舒服。
2. 蕎麥麵
呢樣係江原道發跡嘅美食，大部分都係用蕎麥麵配上泡菜汁、少量水同其他配料撈嚟食。其實蕎麥麵有啲似冇咩湯嘅冷麵，而且會有其他辣醬、紫菜一齊撈，比冷麵更豐富。
3. 小麥冷麵
小麥冷麵係另一款夏日消暑美食，韓國嘅小麥冷麵最大特徵就係麵體偏白，食落口感比較似麵線。主要發跡地係釜山，所以係去釜山必食嘅美食之一。不過大部分嘅餐廳都唔會特意標明係唔係小麥冷麵，只有喺釜山一帶，先會強調呢個特色。
4. 醋雞麵
大家有冇食過醋雞麵呢？呢樣其實比較少見，喺酸酸鹹鹹嘅湯汁入面，加白色幼麵同雞肉一齊撈嚟食。口感同冷麵有啲似，但多咗肉嘅咬口同酸味，係一樣非常開胃嘅韓國美食。
5. 水魚生
水魚生（水生魚片）係韓國相當有特色嘅夏日美食，主要喺沿海城市可以食到，佢同一般魚生唔同，水魚生會撈上醬汁、蔬菜等等，變成好似沙律一樣。夏天夜晚配埋水魚生，再嚟杯燒酒，真係人生一大享受。有啲餐廳都會有呢類水魚生拌飯、拌麵，大家之後嚟韓國，有機會去沿海城市玩，不妨喺呢度嘅餐廳叫嚟食啦！
6. 豆漿冷麵
豆漿冷麵亦係韓國人講到夏天會諗起嘅消暑美食，豆漿清涼，配埋麵同蔬菜一齊食，食完再飲湯，增添飽足感，不過應該唔係好多觀光客食過呢款料理？
一般嘅豆漿冷麵都係鹹，但喺全羅道地區嘅豆漿冷麵就會喺甜，而且唔係甜咁簡單，係成碗白砂糖倒落去咁甜。
7. 花菜(화채)
只要係韓國人，夏天都一定食過「花菜」，佢係用生果，加牛奶、汽水同冰塊攪拌而成，唔少鍾意飲酒嘅韓國人，仲會加原味燒酒。
熱辣辣嘅夏天，韓國人都會食咩呢？不過除咗呢啲，三伏天嘅時候，韓國人會食「蔘雞湯」補身，以熱制熱。
如果有更多想知嘅內容，都可以隨時留言或者dm話俾我哋知：）
Instagram：creatrip.hk