Hello，大家好，我哋係由韓國人話你知每日最新韓國資訊嘅Creatrip。
＃韓劇＃超賺錢
＃經典韓劇＃收益
韓劇近十年極力外銷，影響至全世界，唔可以睇少。
除咗好嘅題材之外，演員都係吸引去睇一套韓劇嘅重點。
所以，好多製作公司都不惜重金禮聘，搵出名嘅演員主演，再外銷韓劇回本。
韓國媒體日前整理咗收益最高、淨係外銷等收益就達100億韓元（6000萬港幣）以上嘅韓劇，睇下有冇你睇過嘅韓劇啦！
備註：收益可能包括海外版權、置入廣告費
✨馬上Follow我哋IG
instagram.com/creatrip.hk
收益達百億韓元韓劇
1. 鬼怪－孤單又燦爛的神
2016年由tvN播出嘅韓劇《鬼怪－孤單又燦爛的神》，可以話係無人不知、無人不曉。
新奇嘅人物設定同幾乎無瑕疵嘅劇情編排，俘虜咗海內外粉絲嘅心。
孔劉同金高銀甜蜜嘅化學反應，將兩人嘅聲勢再次推上新高點，仲改寫咗有線台嘅收視記錄。
據了解，《鬼怪》一播出就創造咗242億韓元（約1.5億港幣）嘅銷售額，其中100億韓元（6000萬港幣）係純收益。
近期Netflix亦買咗《鬼怪》版權，可以話係收視好、又賺錢嘅代表。
2. 陽光先生
《陽光先生》嘅時代背景係開化期，播出之段，韓國吹起復古風潮。
《陽光先生》淨係製作費就高達430億韓元（約2.7億港幣），但同時創下銷售量記錄。
佢更係第一部透過Netflix同時更新嘅韓劇，喺190個國家同步播出。
除咗Netfilx，再加埋其他平台嘅銷售收入同置入廣告等等，《陽光先生》嘅總收益高達570億韓元（約3.6億港幣）。
3. 當你沉睡時
相信應該有好多人都睇過《當你沉睡時》。
呢套戲將李鍾碩、秀智再度推上演藝新顛峰，喺韓國海外都獲得相當高嘅人氣。
其中，製作公司以75億韓元（約4000萬港幣）向中國公司售出《當你沉睡時》嘅版權。
成套戲嘅總收入達到230億韓元（約1.4億港幣），其中125億韓元（約8000萬港幣）係淨利，相當可觀。
4. VIP保鏢 （Man to Man）
JTBC播出嘅《VIP保鏢》當年都備受矚目，喺海外嘅人氣非常高，當時仲打破咗JTBC電視台韓劇嘅首播記錄。
《VIP保鏢》以4億韓元（約250萬港幣）向Netflix出售版權，總收益達141億韓元，淨利29億韓元（約1800萬港幣）。
5. 經常請吃飯的漂亮姐姐
憑藉孫藝珍嘅人氣，《經常請吃飯的漂亮姐姐》當時都有好多人睇，而丁海寅嘅演藝事業亦透過呢套戲推上高峰，
值得一提嘅係，當時限韓令仲未解除，但呢套韓劇依然引起熱烈迴響。
海外嘅銷售版權收入達到30億韓元，總收益有137億韓元（約8700萬港幣）。
6. 大力女都奉順
《大力女都奉順》當時喺韓國嘅人氣非常高，同圍都可以見到相關代言，一度寫下JTBC嘅最高收視記錄。
據了解，將出售海外翻拍版權嘅《大力女都奉順》，總收益達114韓元，淨利高達50億韓元（約3200萬港幣）。
呢幾套超搵錢嘅韓劇，大家睇過邊啲呢？
為咗抵銷拍攝成本，好多公司都會透過向海外出售版權、劇本翻拍權、植入式廣告（好似《The King》咁），以求拍完唔好蝕。
所以，韓劇除咗要喺韓國國內人氣夠高，可唔可以成功打入海外市場，先係真正賺錢嘅關鍵。
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 Netflix韓劇推薦 |  韓劇收視前十名 |
