來源：MBC
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃北韓
＃金與正＃北朝鮮
日前，因為有南韓脫北者團體喺兩韓邊界，向北韓人民派傳單、物資，鼓吹脫北思想，遭北韓政局嚴正抗議，切斷南北兩韓熱線。
金正恩胞妹金與正都發表講話，再次指責南韓政府，兩韓關係再度降到冰點。
✨馬上Follow我哋IG
instagram.com/creatrip.hk
北韓發聲明譴責
來源：MBC脫北者團體喺兩韓邊境，向北韓以氣球、無人機等方式，派傳單、食物、美金等等，鼓吹脫北。
北韓方面日前提出嚴正抗議，以呢個理由，批評南韓政府，甚至下令關閉兩韓熱線，係近年南北韓關係嘅新低點。
今日（14號），金正恩胞妹金與正再透過官媒發表講話，向南韓政府提出強烈譴責。
來源：연합뉴스佢嘅講話用詞相當強烈：膽敢挑戰祖國（北韓）偉大尊嚴代表委員嘅權威，以及對北韓灌輸垃圾、汙穢物，並默許呢種行為嘅人，將會破碎。
金與正表示，要令呢啲背叛者（指脫北者）同垃圾（恐暗指南韓政府）痛徹心扉咁明白，自己做咗啲咩，傷害咗唔應該傷害嘅嘢，並揚言會報復，徹底告別南朝鮮（南韓）。
來源：연합뉴스發言最後表示，將透過金正恩委員長、黨、國家（北韓）賦予佢嘅職權，部署下一步行動。
佢甚至指軍隊會為咗平息人民憤怒而有所行動（暗示開戰）。
呢個發言形同兩韓爆發衝突、開戰前嘅最後通牒，用字相當強烈。
青瓦台同統一部喺今日發佈聲明，表示會為兩韓協議而努力。
日前，南韓政府控告向北韓投放物品嘅脫北者團體，被該團體發言人表示受兩韓統一部背叛，引起社會議論。
✨馬上Follow我哋IG
instagram.com/creatrip.hk
| 其他延伸閱讀 | |
 北韓百貨公司 |  南北鐵路將連接 |
