韓劇真假分析
韓劇見到嘅都係真嘅？私家車周街泊、點下條脷就可以止腳痺？為你拆解韓劇真假
Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓劇 #拆解
大家睇韓劇唔知會唔會見到一啲情節，會好奇韓國真係會咁？
今日小編就要為大家拆解一下韓劇見到嘅場景！
究竟韓國真係有？定只係為咗韓劇劇情作出嚟㗎呢？一齊睇下啦！
✨馬上Follow我哋IG
instagram.com/creatrip.hk
由韓劇學韓國文化
1. 真係會周街泊車？
會！
喺香港，買得車嘅朋友，通常都會考慮到車位問題，出街都會搵錶位或者停車場。
韓國人好多都會周街泊埋一邊，尤其係一啲舊少少嘅小區。
 |  |
呢啲住所冇自己嘅停車場，所以住戶就會將車泊喺街邊。
即做住緊嘅屋苑有停車場都好，因為冇劃分車位，所以每次都要泊喺唔同嘅車位。
喺首爾，周街都可以見到有人泊車，基本上只要唔係禁止泊車嘅地方，就會泊滿車。
小編之前去過一間靚Cafe，諗住影外觀畀大家睇，點知畀私家車擋住⋯⋯
之後小編再去就發現掛咗禁止泊車嘅牌。
2. 韓國人好鍾意Skinship（身體接觸）？
韓國同性、異性嘅關係都好親密
韓國人嘅關係好親密，撓手行街、摸下頭呢啲周不時都會。
不過，呢啲動作都只限於朋友、屋企人之間，唔會無啦啦有陌生人咁做。
 |  |
 쭈아삼촌 |  Dispatch |
小編第一次嚟韓國嘅時候，就見過兩個男中學生十指緊扣咁喺面前行過。
呢啲都係好friend、關係好嘅表現，對香港人嚟講可能比較陌生。
3. 歷史劇入面，女人面上有兩個紅點？
呢種咁特別嘅化妝方法叫做연지곤지（Yeonjigonji），係韓國傳統婚禮畫喺女性面上嘅紅點。
傳說惡靈唔鍾意紅色，畫紅點喺面上可以防止惡靈接近新娘。
不過呢一點喺現代唔常見。
4. 學校同公司會掛國旗？
大多數嘅韓國學校都會掛國旗。
不過，公司就好少會掛國旗。(如果掛咗，好似會有啲誇張⋯⋯）
5. 食杯麵會摺起個蓋當碗
咁樣做可以冇咁容易「辣」親個嘴，又唔怕滴到周圍都係。
小編間唔中都會咁樣食杯麵！
6. 韓劇主角交替點個鼻同脷有咩用？
韓國人相信，腳痺嘅時候，反覆點個鼻同條脷，可以消除麻痺感。
雖然好似有啲迷信，但有時都work，大家可以試下。（小編覺得可以分散注意力？）
以上就係一啲喺韓劇會見到，比較特別嘅韓國文化！
唔知大家仲有冇其他點覺得好奇呢？歡迎留言話畀我哋知。
✨馬上Follow我哋IG
instagram.com/creatrip.hk
| 其他延伸閱讀 | |
 外國人爆笑韓文名 |  韓妹最愛5種酒 |