Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃首爾巴士
＃智能公車站＃推動中
首爾市政府透露，會分階段將首爾市內嘅巴士站全面升級做「Smart Shelter」。
呢項措施會帶嚟咩便利設施呢？一齊睇下啦！
✨馬上Follow我哋IG
instagram.com/creatrip.hk
首爾巴士站將升級
首爾市政府日前透露，會分階段咁將首爾市內嘅所有巴士站，升級到智能「Smart Shelter」。
除咗透過傳感器，令巴士可以更加準確咁停站，亦預計增設月台門，畀乘客更加安全咁上落車。
目前首爾市少部分嘅巴士站，已經有提供叉電同發熱櫈，之後會再設立風扇櫈。
除此之外，巴士站會安裝冷氣，同埋種植盆栽，以淨化空氣，令等車過程更加舒適。
首爾市巴士會提供免費wifi，未來喺巴士站都有，甚至連手機無線充電器都有。
另外，考慮到各乘客嘅需要，巴士站會增設安全扶手同語音提示功能。
首爾市計劃今年會喺10個巴士專用車道嘅巴士站試行，目前已確定地點，預計八月份安裝、十月份啟用。
到今年年尾為止，會確認設施穩定同功能完善，出年開始將「Smart Shelter」智能公車站擴展至首爾全市。
✨馬上Follow我哋IG
instagram.com/creatrip.hk
| 其他延伸閱讀 | |
 韓國儲物櫃app |  韓國巴十懶人包 |
