Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃韓元
＃貨幣政策＃將調整？
大家應該都知，韓國嘅貨幣面值幾大，閒閒地都幾千won先買到一餐飯。
1蚊美金可兌換大約1,200韓元，相比1美金換0.9歐元、1美金換110日圓、1美金換7.8港幣嚟講，韓元面額相當大。
喺經濟合作暨發展組織入面，只有韓國同哥倫比亞係對美金達4位數嘅國家。
✨馬上Follow我哋IG
instagram.com/creatrip.hk
韓國貨幣將改變？
2019年，韓國嘅人均GDP喺OECD（世界經濟合作暨發展組織）入面，排第20，超越日本同西班牙。
根據OECD發佈嘅4月經濟先行指數嚟睇，所有國家入面只有韓國稍稍上升，其他國家同經濟體都下滑。
另外，韓國成為世界第六大出口國，過去五年亦由生產總值嘅第11位攀升到第8名。
咁強勁嘅經濟體下，1美金兌換韓元達四位數嘅現象相當反常。
因此經濟學家一直以嚟都提出希望降低幣值面額，用₩100或₩10取代現有嘅₩10,000。
前任總統朴槿惠曾承諾，會強行推動地下經濟，阻止大量現金流通嘅政策，縮小幣值，但政策最終胎死腹中。
現任文在寅政府對貨幣政策未發表任何評論，而韓國嘅中央銀行總裁喺舊年都講過，唔會推動貨幣面值縮減政策。
佢嘅任期亦延長到2022年三月，似乎呢段期間貨幣政策都唔會改變。
最後一次提出貨幣面額下調嘅央行總裁已經係18年前嘅事，但當時被政府高官反對，反對嘅人認為：貿然縮減貨幣面額，會令物價上漲，金融系統可能會崩潰。
正面意見就認為1962年最後一次調整面額以嚟，國家GDP已增加4,000倍以上，下調貨幣面額呢個做法可行。
58年嚟，韓國最後一次縮減貨幣面額係喺1962年，將₩10變成₩1；70年代中紙幣登場：1972年發行₩5,000紙幣，1973年發行₩10,000紙幣，1975年發行₩1,000紙幣⋯⋯
最近一次發行新紙幣係喺2009年，₩50,000面額紙幣現世。
其他延伸閱讀 | |
 韓國自動唱錢機 |  旅遊APP懶人包 |
