廣東歌翻唱韓文歌
每首都聽出耳油！原來呢啲歌原曲都係韓文歌？大家又知幾多首？
Hello，大家好，我哋係由韓國人每日提供最新韓國旅行資訊嘅Creatrip。
廣東歌聽就聽得多，但大家又知唔知有啲歌原曲原本係韓文歌嚟嘅呢？每首歌相信唔少人都一定會聽過，甚至係loop過，今日為大家介紹嘅呢幾首，唔知大家又知幾多呢？
親身體驗KPOP魅力
廣東歌翻譯韓文歌
1. 歌名： I Believe
韓文版本歌手：申昇勳
廣東話版本歌手：啤梨
《我的野蠻女友》呢套電影可以話係韓國電影經典中嘅經典，相信唔少80，90後都一定有睇過，唔講唔知...呢套電影已經係21年前，數數手指04年出生嘅已經係成年人，大家當時邊睇呢套電影，最耳熟能詳嘅一定係呢套電影嘅主題歌〈I Believe〉。唔單止有最原始嘅韓文版本，就連廣東話、台灣都有翩唱過，唔知有冇扣起大家嘅回憶呢？
2. 韓文歌名：我是女人（여자이니까）； 廣東話歌名：野種子
韓文版本歌手： Kiss
廣東話版本歌手：陳文媛
可能大家都對Kiss呢對組合唔太熟悉，但當年佢哋憑住呢首《我是女人》一炮而紅 。雖然佢哋只係出咗道5個月，但佢哋就拎到當年最多人download歌曲，直到而家有時喺韓國去唱K，唔少韓妹都會必唱，佢可以話係失戀最佳療傷歌曲Top3！
3. 韓文歌名：Honey ；廣東話歌名：頭髮亂了
韓文版本歌手：JYP
廣東話版本歌手：張學友
呢首歌相信大家只要一聽，就算唔識唱都一定聽過佢嘅旋律，雖然兩首曲風係一樣，但只要細心聽歌詞，就可以知道完全係唔一樣。JYP首Honey係講要點去追女仔，而張學友首歌係講女朋友俾人搶走，雖然首歌好輕快，以為係開心歌，但冇諗過SAD歌都可以用另一種風格去表達！
4. 韓文歌名：不愛了（사랑안해） ；廣東話歌名：失戀哲理
韓文版本歌手：白智英
廣東話版本歌手：關心妍
同樣地兩首都係失戀歌，白智英《不愛了》雖然已經係10年前嘅歌，但直到而家去唱K，大家都會見到佢仲係熱唱榜裡面，就算有時喺街都會聽到有人播，可想而知佢有幾咁受歡迎。
5. 韓文歌名：Smile Again ；廣東話歌名：祝君好
韓文版本歌手：任昌丁
廣東話版本歌手：張智霖
君好：「初哥哥！」，唔知大家有冇印象呢？小編可以話係「十月初五的月光」忠實Fans，以前每逢暑假都一定會重睇。每次睇都喊到癲，唔知大家會唔會呢？ 但唔講唔知小編喺早幾日先無意發現，呢首歌原曲原來係韓文版本！無論係廣東話版定韓文版都係一樣咁有feel，好推薦大家一定要聽吓！
6. 韓文歌名：Wa； 廣東歌名：獨家試唱
韓文版本歌手：李貞賢
廣東話版本歌手： 鄭秀文
李貞賢嘅呢首「Wa」係源自於佢16歲嘅時候自拍第一部電影花瓣嘅第一首單曲，呢一首單曲係連續三個禮拜排名第一，亦都係因為呢一首歌令佢獲得1999年同埋2000年兩年嘅韓國歌曲大賞最受歡迎單曲！而鄭秀文嘅呢首「獨家試唱」相信大家都唔陌生，呢一首歌係喺2005年嘅時候面世。如果係90後嘅大家，相信大軟以前中學嘅時候都有喺K房唱過，唔知大家又知唔知道呢首歌原來嚟自KPOP嘅呢？
7. 韓文歌名：Life is good、 廣東歌名：信者得愛
韓文版本歌手：Jessi
廣東話版本歌手： 鄭秀文
Life is good 呢首歌係由Jessi（Jessica H.O） 喺11年面世嘅，而呢一首歌就係2013年嘅時候俾鄭秀文改編咗成為廣東歌版本嘅信者得愛！相信大家之前唱K嘅時候如果想唱一首比較rock嘅歌都會揀佢！唔知大家仲有冇印象呢？
8. 韓文歌名：Pray；廣東歌名：樹藤
韓文版本歌手：Sunny Hill
廣東話版本歌手： 林欣彤
Sunny Hill 嘅「Pray」呢一首歌係喺2011年嘅時候發行，當中係用一個血腥嘅故事唱出咗天蠍座嘅心聲。而林欣彤喺2012年嘅時候就透過舒文監製同埋編曲有韓文版改編成「樹藤」呢首廣東歌！而呢首廣東歌同原唱最大嘅相似都係一首慘情歌！不過廣東歌版本嘅故事講述一段關係之中失去主導權，不斷被牽連同埋唔被尊重，因為頂唔順而爆發嘅一首歌，喺發行首歌嘅時候都受到唔少香港人嘅關注！
以上呢8首歌就係由Kpop嘅廣東歌，唔知大家又有冇聽過呢？
如果有更多想知嘅內容，都可以隨時dm話俾我哋知：）
Instagram：creatrip.hk