反港國安法記者會
韓國團體大使館前開記者會：譴責中國頒佈《香港國安法》 韓國網民點睇香港示威？
Hello，大家好，我哋係由韓國人話你知每日最新韓國資訊嘅Creatrip。
＃香港 ＃國安法
＃韓國 ＃大使館 ＃示威
就中國政府對香港提出《香港國家保安法》（下稱《香港保安法》），今日（1號）有團體到中國駐韓大使館門前舉行記者會，提出反對聲音。
韓國網上就香港示威都有討論，到底佢哋係點睇呢件事呢？
✨馬上Follow我哋IG
instagram.com/creatrip.hk
中國大使館前舉行記者會
한국경제
此前，中國全國人民代表大會通過喺香港訂立《香港保安法》，阻止香港嘅示威行動。
《香港保安法》被認為對香港嘅民主運動同抗爭造成致命打擊，受到香港內外強烈反對。
韓國國內民間社會組織今日（1號）喺中國駐韓大使館（明洞）附近舉行新聞發布會，譴責中國頒佈《香港保安法》，並認為呢個做法係扼殺咗香港市民嘅基本自由同人權。
news1
國際民主社會律師團結委員會劉大率（音譯류다솔）律師喺新聞發布會上提出：「中國政府執行《香港安全法》係違反咗保障香港自治嘅《基本法》。」
佢批評《香港安全法》無視「一國兩政」嘅原則：「《香港保安法》唔係其他國家嘅事咁簡單。」
韓國都曾經因為《國家安全法》而受到「國家暴力」侵犯人權，佢指出「韓國民間社會會共同努力，確保香港嘅自由同人權。」
news1呢啲團體聲明指出：「（《香港保安法》）壓制市民自由同權利，令民主進程後退，係一個惡法。我哋明知道《國家安全法》損害民主同人權，但韓國仍然未將呢個法例廢除，我哋為此感到羞恥。」
佢哋要求中國政府廢除《香港保安法》，以保障「一國兩制」。
團體更要求韓國政府表明立場，反對《香港保安法》，同時廢除韓國國內嘅國家安全法。
參加記者會嘅人高叫：「我哋係一體，廢除國安法！」同「光復香港，時代革命」嘅口號，向中國大使館表達佢哋嘅意見。
韓國網民意見
小編喺韓國其中一個大型網站「NATE판」搜尋有關香港示威嘅討論。呢個網站嘅文章會show最多人支持、回應嘅意見。
小編以「香港」、「國安法」為字眼搜尋，搵到最多人回應嘅文章同大家分享一下。
PANN
標題係：「各位入嚟睇下，香港依家痴咗線」 （原post）
內文放咗幾張香港示威者嘅相，以第一張相引起最多人回應。
發文嘅人寫：「佢只有12歲，出去示威後，被警察拘捕。」（小編嘗試搵文中相嘅出處同資料，但搵唔到。）
文章得到4883個推薦，31個反對。
呢個網站會將最多人讚好嘅3個留言同1個支持反對差唔多嘅留言置頂，我哋一齊睇下網民有咩意見。
如翻譯有誤，歡迎指點。
頭三個留言係得到最多讚好嘅三個留言，最後一個留言嘅支持、反對數量差唔多。
香港示威喺韓國新聞間唔中都有報導，亦有唔少團體發聲、集會。
小編今日舉嘅網民例子可能未夠全面，之後有機會再同大家睇多啲。
香港嘅事態發展受到全球關注，中國政府同香港政府下一步嘅行動會係咩？
✨馬上Follow我哋IG
instagram.com/creatrip.hk
其他延伸閱讀 | |
 香港正宗韓國菜 |  香港催淚彈雪糕 |