Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國新知
#大家都一定會遇過
每個國家都有獨特嘅文化，有時我哋以為平平無常嘅事，喺韓國人眼中，可能會覺得好神奇。
但大家嚟到韓國，又有冇咩會覺得好神奇同驚訝呢？
小編今日整理出9個外國人驚奇嘅韓國文化，唔知大家又見過幾多個呢？
✨馬上Follow我哋IG
instagram.com/creatrip.hk
外國人眼中驚奇嘅韓國文化
1. 韓國人太過熱情？
@Newsworld
小編之所以話韓國人熱情，唔係因為大家唔識路，問完佢哋會帶路，而係佢哋「太主動嘅態度」。
其實「太主動嘅人」好多都係宗教團體，好多時佢哋會2個人一齊行動。
首先會扮問路，然後再傳教，即使已經表明身份話自己係外國人，但佢哋都係會繼續講，希望大家會跟佢哋去教會。
@aljazeera
韓國朋友有教小編，如果要避開呢種情況，最好嘅方式就係畀假電話號碼，或者唔好同佢哋有眼神接觸。
或者可以用一個簡單又直接嘅方法，就係行緊街嘅時候，唔好有任何表情，等大家睇落去以為自己心情唔好，咁佢哋就唔會咁易埋身。
2. 街上冇流浪貓或狗？
唔知大家有冇發現，韓國街上面好少見到動物，最常見到嘅可能只係得白鴿。
就算見到，比起流浪狗，流浪貓反而會多少少。
韓國目前對於流浪動物，佢哋首先會捉佢哋返去，如果冇人領養就會將佢哋安樂死。: (
3. 韓國人正餐係？
之前小編有聽過一個笑話係，韓國人問日本人「你哋每餐係咪都係食壽司？」
日本人：「邊有可能，唔通你哋餐餐都食泡菜嗎咩？」
韓國人： 「係啊」。
韓國人正餐同香港人有啲似，都係鍾意食飯或者麵，因為食完澱粉質先會覺得有飽肚感。
4. 一個人食飯已經成為咗主流？
大家可能會以為，喺韓國要自己一個人食飯係一件好難嘅事，如果咁諗大家就錯啦。
依家韓國社會，鍾意「獨食」嘅人越嚟越多，就連外賣app都推出「一人餐」畀大家揀。
5. 過年嘅意義？
韓國咁多節日，新年可以話係佢哋最重視嘅一日。
對於香港人嚟講，過年都鍾意約埋班Friend一齊出街倒數，但對韓國人嚟講，最後倒數個一刻，大多數人都係鍾意揀同屋企人一齊過。
同時，韓國只要踏足新嘅一年，所以韓國人都會加一歲。
6. 成日cut線嘅的士司機
有坐過韓國的士嘅話，應該都知道佢哋好鍾意成日亂cut線。
以為呢啲只有韓劇先會發生嘅事，現實中一樣都會咁。
雖然係有啲驚，不過喺韓國人眼中，係一件普通再冇得普通嘅事。
的確係有啲危險，但只要係有行人斑馬線，佢哋都係會等大家行完，先再開車，呢點佢哋又真係做得幾唔錯。
7. 髮卷韓妹
由唔知幾時開始，喺街會成日見到韓妹用髮卷卷住個空氣瀏海，韓國人已經係睇到習以為常。
但喺外國人眼中，就會覺得點解未打扮好就要出街，感覺好怪。
之前小編去過一間餐廳，見到有韓妹唔用髮卷 ，直接用直髮夾去夾空氣瀏海⋯⋯
8. 韓國情侶成日都放閃？
韓國情侶放閃真係可以話係無極限，除咗每個月都有情人節要過之外，喺街成日都會見到佢哋好痴身。
完全係唔理旁人嘅眼光，睇到有時都會打冷陣。
不過有人話，年青人速食愛情就係咁，敢愛敢狠，大家相愛嘅時候，就要話界全世界人知你係屬於我嘅！
9. 韓國男人最有時尚品味？
講到有時尚觸角，又不得不承認，韓國好多時都真係快人一步，比起其他國家，韓國男人會著得睇落去更有魅力同後生。
可能好多男仔都唔敢著全身粉紅色，但韓國人就會覺得咁襯先係最好睇。
唔知以上10個點，邊一點大家又最有同感呢？或者有冇其他點大家又睇唔慣呢？
歡迎留言話畀小編聽！
✨馬上Follow我哋IG
instagram.com/creatrip.hk
| 其他延伸閱讀 | |
 韓國性暗示歌曲 |  私生飯恐怖行為 |
