來源：인사이트
Hello，大家好，我哋係由韓國人告話你知每日最新韓國資訊嘅Creatrip。
韓國各級學校，尋天（20日）起陸續開學，最先開學嘅係高三學生。
不過，只係過咗一日，就有部分學生確診，令全校再次停課。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上follow我哋IG
instagram.com/creatrip.hk
韓國開學亂象多
來源：fnnews
韓國由尋日起，各年級學生開始正式返學上堂，而最先回歸校園嘅係高三學生。
不過，只係過咗一日，仁川同京畿道安城市，就傳出部分學校有高三生確診，或者同確診個案接觸過，令啱啱開學嘅校園再次拉起封鎖線，緊急停課。
為咗應付即將開學嘅學生，全韓國嘅學校都將書枱間隔加大，並放置隔板，定時量體溫，盡一切努力令校園唔好成為新冠肺炎集體感染嘅溫床。
來源：NEWSIS
雖然喺校園入面，防疫措施做得相當完善，甚至全校只要出現一個確診者，就會立刻停課。
不過，學生放學之後，返屋企前呢段時間，係最難掌握嘅。落堂之後，好多學生冇直接回家，而係去附近嘅網吧或者K房。
校方同中央防疫本部雖一再呼籲，減少去呢類場所，但似乎防不勝防，直到之後其他年級嘅學生返校後，會更加難掌握。
來源：서울경제
中央防疫本部部長發言表示，如果病毒可以喺短期內結束，就梗係延遲開學，到確定安全嘅時間點再恢復；
但如果去到秋冬嘅時候，危險情況仲未改變，就需要學習同病毒共存，一齊生活同落實防疫。
佢都懇求所有人一齊合作，學生、家長、教職員工都要盡最大努力降低社區感染嘅風險。
來源：인사이트
本部長特別點名學生，要勤洗手、戴口罩，保持2公尺社交距離，放學之後唔好去唱K、網吧。
另外，亦希望教職員唔好去呢啲地方，以免增加受感染嘅風險。
最後防疫本部表示，因為目前都係小規模嘅社區感染，唔需要太過緊張，但都唔代表可以鬆懈，希望各位可以喺生活中最好防疫替施。
✨馬上follow我哋IG
instagram.com/creatrip.hk
| 其他延伸閱讀 | |
 韓多虧有你挑戰 |  弘大酒吧爆感染 |
