Hello，大家好，我哋係由韓國人話你知每日最新韓國資訊嘅Creatrip。
＃首爾美食＃評價
＃好食＃難食＃邊一個？
每個人嘅口味都唔太一樣，可能有啲人鍾意食冇樣嘢，但有啲人就會好抗拒。
韓國有啲出名餐廳嘅評價超兩極，有啲旅客好鍾意，去完再去，但都有啲人會覺得唔好食，從此打入冷宮。
小編今之揀咗首爾評價最兩極嘅四間餐廳，一齊睇下啦！
✨馬上Follow我哋IG
instagram.com/creatrip.hk
首爾評價兩極餐廳？
1. 荒謬的生肉
「荒謬的生肉」係韓國好出名嘅燒肉連鎖店，唔同地方都有分店，以平價嘅韓國國產五花肉出名，而且可以任食，對後生仔嚟講就啱晒。
五花肉喺鐵板上面燒到金黃色，逼啲油出嚟之後加麻油、辣醬，包埋生菜入面一啖食，完美！
不過呢間餐廳啖大家心目中，評價好似有啲兩極？
好多人話呢間店CP值高、好食，但都有人話荒謬的生肉豬腥味重，麻麻哋。
小編以食過廿幾次荒謬的生肉嘅經驗同大家講，每間分店肉嘅品質唔同，不過個人就冇食過豬腥味。
不過，以呢個價格嚟講，小編覺得荒謬的生肉算係性價比好高嘅餐廳。大家覺得呢？
首爾評價兩極餐廳？
2. 神仙雪濃湯
好多人都話嚟韓國一定要食雪濃湯，但係小編都聽過唔少人抱怨：聽大家講到雪濃湯好似好好食，但實際食落就有啲失望。
雪濃湯啖普遍重口味嘅韓國美食入面，算清淡，所以好多韓國人喺食之前都會加鹽、泡菜等等。
不過雪濃湯其實本身就偏清淡，同牛骨熬出嘅湯頭偏清澈，唔會好濃。
小編覺得可能真係個人口味唔一樣……如果食慣重口味，偶爾食一次雪濃湯，都唔錯。
首爾評價兩極餐廳？
3. 土俗村蔘雞湯
土俗村蔘雞湯 FACEBOOK
土俗村蔘雞湯可以話係評價兩極化嘅餐廳第一名。
呢間觀光客最愛嘅餐廳，食飯時間總係大排長龍，唔等半個鐘都幾乎入唔到場。
不過有人對呢間餐廳嘅評價麻麻，話其實唔太好食，有啲失望。
小編好耐之前食過一次土俗村蔘雞湯，同一般嘅蔘雞湯店差唔多，唔會話特別好或唔好。
土俗村蔘雞湯 FACEBOOK
唔知大家又有冇食過土俗村呢？評價又如何？同小編分享下啦！
首爾評價兩極餐廳？
4. 陳玉華、孔陵
陳玉華一隻雞
孔陵一隻雞
講到韓國一隻雞，所有人一定會諗起陳玉華同孔陵。
要話邊間好食啲，就真係各有各說法啦！
陳玉華一隻雞
孔陵一隻雞
小編食過孔陵同陳玉華，個人比較鍾意陳玉華多啲。
雖然孔陵可以煮粥，好好食，但小編更鍾意陳玉華嘅醬同泡菜。
唔知大家對呢兩間餐廳有咩諗法呢？
好似鍾意孔陵嘅就麻麻哋陳玉華，鍾意陳玉華就唔鍾意孔陵⋯⋯
呢四間餐廳喺大家心目中嘅評價真係好兩極。
唔知又有冇邊啲餐廳係大家覺得好好食，但朋友就話好伏㗎呢？
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 弘大美食懶人包 |  超平美食推薦 |
