Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃北韓
＃金正恩＃病危？
＃南韓青瓦台＃發表
據消息指，北韓領導人金正恩委員長接受心血管手術後病危。
金正恩最後一次出現喺北韓公開場合係04月11日，連15號嘅太陽節（爺爺金日成生日）都冇出席相關嘅慶祝活動。
✨馬上Follow我哋IG
instagram.com/creatrip.hk
金正恩傳病危？
來源：연합뉴스
今日朝早，傳媒引用CNN報導指，北韓領導人金正恩，接受心血管手術後傳出病危。
呢個消息引起國際熱議，參與制衡北韓嘅美國政府都表示關注事件。
04月15日係金正恩爺爺金日成主席嘅生日，但佢冇出席相關慶祝活動，引起各界對佢健康狀況嘅猜測。
佢最後一次喺公開場合亮相，係喺11日嘅政府會議，私下消息指12日時，金正恩都有去地方視察。
據猜測，佢應該係喺視察後接受咗心血管手術，至今都冇公開露面。
來源：연합뉴스
美國相關官員尋日接受美國有線電視新聞採訪，表示呢個消息（金正恩接受手術）可信度高，但病情嘅嚴重程度，就難以評估。
消息指出，金正恩喺金氏家族專用嘅醫院進行手術，並匯集咗多間醫院嘅「1號」負責醫生。
目前北韓政府仲未對呢件事發表聲明。
由於金正恩一直以嚟嘅健康狀態，都係國際同兩韓間嘅重點事項，幾乎係每隔一段時間就會出現金正恩人身安全異常嘅傳聞。
南韓青瓦台今朝都發聲明，表示目前無法確認有關金正恩委員長病重嘅消息。
統一部亦表示：未需要正式發表任何聲明。
✨馬上Follow我哋IG
instagram.com/creatrip.hk
| 其他延伸閱讀 | |
 弘大平壤酒館 |  北韓0確診？ |
