《上流寄生族》浣熊炸醬麵

Hello，大家好，我哋係由韓國人每日提供最新韓國旅行資訊嘅Creatrip。

雖然上流寄生族已經落映咗好耐，但唔少人仲會覺得呢套戲好寫實，一直翻煲。

劇中出現嘅浣熊炸醬麵（即係烏冬即食麵＋炸醬即食麵），唔少韓國人跟住去煮。聽講有一位外國人更加肯出高價去買一碗試。隨住浣熊炸醬麵越嚟越受歡迎，佢嘅合體版要面世啦！大家以後想試都唔洗再買兩包麵去撈，一碗就搞得掂！

浣熊炸醬麵正式面世

唔知大家仲記唔記2月嗰陣，上流寄生族喺第92屆奧斯卡金像獎中，橫掃多個獎項。

分別榮獲四大獎項殊榮：最佳國際影片（原最佳外語片）、最佳導演、最佳原創劇本，以及歷史上第一次以外語片獲得「最佳影片」。得獎之後，唔少國家都開始關注韓國電影，而當中最令人記得嘅，莫過於浣熊炸醬麵。

劇中有一幕係朴太太吩咐管家煮「浣熊炸醬麵」比嗰仔食 ，導演奉俊昊本身就係浣熊麵愛好者。佢之所以會加拉麵放入電影，唔係因為私心，而係為咗展示朴太太認為即食麵等於平民食物。

導演想表達低下階層同上流社會其實都係做緊同一件事，只不過上流社會為咗特顯自己與別不同，先會加韓牛去食。

今次推出嘅「浣熊炸醬麵」加咗菜同辣味，聽講話會更加惹味。

「浣熊炸醬麵」聽日正式發售，相信唔少韓國人都會去搶購，唔知幾耐之後香港幾都有得買呢？

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購