4隻韓國產Online Game
4隻90後一定玩過嘅韓國產Online Game！而家睇返完全係回憶....以前每晚都會開團打通宵.....
Hello，大家好，我哋係由韓國人話你知每日最新韓國資訊嘅Creatrip。
＃留喺屋企最好就係打返鋪機
＃跑Online ＃勁舞團 ＃跑跑卡丁車
＃回憶＃90後 ＃原來跑都可以咁好玩
唔知80、90後嘅大家，仲記唔記得以前放學要衝返屋企打機嘅日子呢？
每日放學都會講句「等陣返到屋企就開場」先分開嘅大家，唔知大家又懷唔懷念呢？
今日小編想同大家介紹4隻，原來以前玩嘅Online game都係韓國出版，當中大家又玩過邊隻呢？
✨馬上Follow我哋IG
instagram.com/creatrip.hk
韓國Online Game
1. 跑Online
仲好記得Stephy當年拍廣告，講咗句「估唔到跑都可以咁好玩」成為街知巷聞。
唔少同學只要上體育堂都會跟住講返句，諗起都覺得好好笑。
雖然只係跑跑跳跳，但真係好好玩！
令小編最難忘嘅一個場係當時不斷苦練跳欄杆，幾時要加速幾時要跳，完全係會背熟哂。
一開始係咁跌嘅時候仲要等草夠氣去爆，諗返起都覺得好笑。
2. 跑跑卡丁車
除咗跑Online之外，跑跑卡丁車可以話係當時每個人都瘋狂喺度玩嘅game之一。
game入面除咗有多條賽道之外，亦可以揀簡單、困難、Crazy模式去玩。
食中Item除咗有大家最鍾意嘅加速同磁石取力之外，抽中香蕉皮或子彈仲可以攻擊對方。
有時最嬲嘅係明明第一，點知比個子彈射中，停咗幾秒就會變包尾。
諗起真係又嬲又好笑，所以唔少人都話一開始比起拎第一，喺後面攻擊完對方再超越仲好！
直到今時今日，只要去韓國網吧，其實都仲會見到有唔少人玩緊呢隻game㗎！
3. 勁舞團
勁舞團可以話係MK界嘅代表，相信唔少人玩呢隻game都會玩到手指痛。
每一首歌都要跟住佢嘅beat先可以拎到perfect，有時一個不流神就會冇咗個Combo。
當時呢隻game唔少人都鍾意玩佢嘅couple dance，聽講真係有人玩到真結婚添！
4. 爆爆王
只睇封面，大家又記唔記得呢隻係咩game呢？
爆爆王可以話係4隻入面最休閒嘅一款，同時亦係唔同年齡層都鍾意玩嘅一隻game。
玩家喺遊戲入面以定時爆炸水球去互相攻擊，最後生存嘅玩家就係大嬴家。
雖然睇落去簡單，但其實都幾用腦㗎。
唔知呢4隻game，有冇喚醒大家嘅童年回憶呢？
歡迎大家留言話悿小編聽，你哋鍾意玩咩game，話唔定可以遇到同道中人添！
✨馬上Follow我哋IG
instagram.com/creatrip.hk
其他延伸閱讀 | |
 韓國網購APP |  2020韓系春裝 |