韓國擬取消免簽入境待遇
境外傳入病例持續發生...韓國政府擬全面取消「限韓國人入境國家」嘅免簽證入境待遇
Jeongyeong Yeo
5 years ago
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃韓國取消免簽證入境
針對目前疫情一直變化，韓國國務總理丁世均（정세균）今日朝早，喺中央災難安全對策本部會議上發言，表示將會針對禁止韓國人入境嘅國家，暫時停止免簽證入境待遇。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓國擬取消免簽待遇
來源：NEWSIS
國務總理丁世均喺今日朝早會議上表示，針對目前禁止韓國人入境嘅國家，會暫時停止畀佢哋嘅免簽證待遇、入境等政策。
目前限制韓國人入境嘅地區，分別有「全面限制外國人入境」嘅台灣、香港、新加坡、馬來西亞、越南、泰國等120個地區；同埋大約148個「禁止部分國家入境」嘅地區。
韓國會開始限制上述部份國家嘅人入境，包括可以免簽證入境嘅34個國家，同埋其他54個簽咗免簽證協定嘅國家或地區。
來源：연합뉴스
韓國國務總理表示，會維持開放基礎，但根據外交上嘅相互主義，會對其他國家針對韓國人嘅限制政策，作出相對限制。
以上措施並唔係禁止外國人入境，只係更加嚴格管理外國人入境。
因為韓國每日新增肺炎疫情，境外傳入境嘅病例所佔嘅比例相當大，需要針對呢個現象提出進一步方案，先可以避免首爾再發生群聚感染。
✨馬上Follow我哋IG
instagram.com/creatrip.hk
| 其他延伸閱讀 | |
 韓入境全面隔離 |  港韓隔離比一比 |