哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃濟州島＃油菜花田
為免新冠疫情擴散，濟洲西歸浦市決定喺聽日（8日）將油菜花田鏟平，希望唔再有觀光客聚集。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
濟州島油菜花田鏟平
新冠疫情影響全球。直至尋日（4月6日），韓國嘅確診人數已有10,284個。
唔少大型活動都因為疫情取消或者延期。當中，原定4月初舉行嘅濟洲油菜花慶典都宣佈取消。
제주의 소리
不過，仍然有人前往油菜花田賞花，因而引起當地人擔心會有新冠肺炎傳播。
所以，當局決定將超過9萬平方米嘅油菜花田同埋種喺車路旁嘅油菜花一次過鏟走，希望可以減少有人聚集。
關閉汝矣島停車場
HUFFPOST
韓國政府為減少新冠肺炎傳播嘅機會，宣傳人與人之間要保持2米嘅社交距離。
但係，隨住春天嚟到，韓國有唔少春花盛開，開始有人不顧疫情去賞花。
當有人群聚集，就自然會有大型傳播嘅隱憂。
인사이트
除咗濟洲嘅油菜花田，先前有唔少人去汝矣島賞櫻，甚至野餐，而冇好好保持社交距離。
所以，當局決定關閉汝矣島漢江公園停車場，希望可以少啲人去賞櫻聚集。
Chosun Biz
其實，花年年都有得睇，係疫情仲未平息嘅時候，我哋應該時刻保持警覺。
只要每個人都做好自己嘅本份，減少不必要嘅聚集，先可以慢慢做到零感染，早日回覆正常生活！
🤞🏻 Creatrip Youtube上線囉
✨馬上Follow我哋IG
instagram.com/creatrip.hk
| 其他延伸閱讀 | |
 港韓隔離比一比 |  港韓航班取消現況 |
