Hello，大家好，我哋係由韓國人話你知每日最新韓國資訊嘅Creatrip。
＃首爾美食＃便宜美食
＃超高CP值餐廳＃推薦
大家可能都會覺得喺韓國食嘢唔算平⋯⋯
到底當地人會食啲咩，係唔會太貴，但又好食㗎呢？
小編私心推薦超平、CP值高嘅美食清單，各式各樣嘅美食都有！
更重要嘅係！呢啲地方都可以一個人去食，快啲嚟睇下啦！
✨馬上Follow我哋IG
instagram.com/creatrip.hk
首爾超平美食
1. 舍廊房刀削麵（사랑방칼국수）
- 地鐵：首爾地鐵3、4號線忠武路站
- 地址：서울 중구 퇴계로27길 46
- 時間：週一至週六09:00至22:00；週日09:00至16:00
忠武路嘅地道老店「舍廊房刀削麵」，最出名嘅係一隻雞刀削麵。
大家聽到一隻雞，可能會覺得自己一個人好難食得晒？
唔洗驚，呢度可以按人頭叫，如果一個人嚟嘅話，可以叫一份水煮半雞（백숙백반），只係要₩8,000，唔會好貴。
如果人數更多，可以按人數叫。
煮到腍晒嘅雞肉，配埋醬汁同湯，再加一碗白飯，夠晒滿足。
呢個價錢都可以食到一隻雞，快啲放份你哋嘅list入面啦！
👉 忠武路美食總整理
首爾超平美食
2. 鍋集市（찌개장터）
- 地鐵：首爾地鐵1號線回基站
- 地址：서울 동대문구 회기로21길 13
藏身喺慶熙大學嘅地道餐廳「鍋集市」，主打鍋物料理，而且一人份起就可以叫。
白飯、飲品全部任食任飲，如果想食到平價部隊鍋、泡菜鍋，就嚟慶熙大學嘅「鍋集市」食啦！
份量超多，材料豐富到令人難以相信咁樣係一人份。
而且對於食量較大嘅朋友嚟講，可以食多幾碗白飯，都唔晒加錢，CP值相當高，最平都只係要₩6,500！
首爾超平美食
3. 味量價（맛양값）
- 地鐵：首爾地鐵6號線望遠站
- 地址：서울 마포구 동교로9길 44
- 時間：10:00至01:00
講到首爾平價、CP值高美食，點可以錯過望遠市場附近嘅「味量價」呢？
最平一碗刀削麵只係₩2,900！加埋漢堡肉排，都唔會好貴。
不論係刀削麵，定係漢堡肉排餐，每樣睇落都好好食！
而且價錢咁平，食都食得開心啲！喺望遠市場嚟一場地道美食之旅啦！
👉 味量價探訪記
首爾超平美食
4. 東廟水煮雞湯麵（동묘 백숙 닭국수）
- 地鐵：首爾地鐵1、6號線東廟前站
- 地址：서울 종로구 종로 372
- 時間：10:00至22:00
東廟市場附近嘅「東廟水煮雞湯麵」，價格上比啱啱介紹嘅「舍廊房」更平，半隻雞嘅刀削麵只係₩7,000，而且份量十足。
好食到小編叫多咗一碗飯（原本跟麵就有一碗）。
打破大家覺得東大門、東廟一帶餐廳都又污糟又舊嘅印像。
東大門便價美食「東廟水煮雞湯麵」用划算嘅價格，仲有乾淨嘅用餐環境，虜獲咗唔少人嘅心。
下次嚟東大門個陣，不妨嚟呢度食餐飯啦！
首爾超平美食
5. 別堂燉泡菜（별당김치찜）
- 地鐵：首爾地鐵2號線新村站
- 地址：서울 서대문구 명물1길 2
- 時間：11:00至19:30（每天16:30至17:00午休）
呢間餐廳唔知大家有冇聽過呢？只要₩4,000就可以食到燉泡菜鍋或者炒豬肉套餐，真係超抵！
小編一開始都唔信咁平會有好嘢食，但食完真係覺得平得嚟，味道又唔差。
位於新村巷弄嘅「別堂燉泡菜」口感偏酸，辣度適中，重點係泡菜鍋入面有一大塊豬肉，用料唔會慳。
首爾超平美食
6. 茶啖韓定食（다담한정식）
- 地鐵：首爾地鐵1號線鐘閣站
- 地址：서울 종로구 청계천로 35 B1
- 時間：週一至週五11:00至20:00（14:30至17:00午休）；週末及國定假日公休
跟上班族食嘢一定啱！
藏身喺鐘閣站大樓地下室嘅便價美食「茶啖」，係一間韓式小菜任食餐廳。
一個人₩7,500，就可以任食下面呢啲小菜（主餐肉類除外）。
味道好家常！首爾便價美食「茶啖」對上班族嚟講，係一個相當划算嘅選擇。
一碗白飯、小菜任食，還有湯飲，食地道韓定食都可以簡單又抵食。
👉 茶啖韓定食探訪
首爾超平美食
7. Cochon Tonkatsu（꼬숑돈까스）
- 地鐵：首爾地鐵2號線新村站
- 地址：서울 서대문구 명물1길 2
- 時間：11:00至20:00（最後點餐19:30；每天16:30至17:00午休）
小編啱啱介紹嘅「別堂燉泡菜」隔離，有一間主打₩3,000炸豬排定食嘅餐廳！
呢個價格真係好難得仲可以見到！
份量唔算多，但對想食炸豬排嘅人嚟講，呢個價錢真係好抵。
如果下次喺新村街頭唔知吃咩好，又想坐底食，不妨去「Cochon Tonkatsu」食超高CP值嘅一餐啦！
首爾超便宜美食
8. Yookssam冷麵（육쌈냉면）
- 地鐵：首爾地鐵2號線新村站
- 地址：서울 서대문구 연세로 19 B1
- 時間：10:00至22:00
食冷麵配燒肉，是韓國人無敵嘅美食組合，喺「Yookssam冷麵」都只係要₩7,000炸！
燒得啱啱好嘅燒肉，配埋份量十足嘅冷麵，每一啖都係享受。
一個人食份量啱啱好！啱晒一個人食飯，又想食少少燒肉嘅朋友！
邊個話平嘢一定冇好嘢？save定呢篇，之後嚟韓國不論咩類型嘅食物，一個人食都唔怕啦！重要夠晒平添！
咁多位，我哋下次再見！
✨馬上Follow我哋IG
instagram.com/creatrip.hk
| 其他延伸閱讀 | |
 弘大美食懶人包 |  韓國千元的幸福 |
